សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ បុរសម្នាក់បើកម៉ូតូលឿនបានជែងរថយន្តមួយគ្រឿងមិនប្រយ័ត្នដួលម៉ូតូអូសម៉ូតូចូលក្រោមរថយន្ត បណ្តាលឲ្យអ្នកបើកម៉ូតូរងរបួសធ្ងន់ ។
ហេតុការណ៍នេះបានកើតឡើងកាលពីម៉ោងជាង៩យប់ ថ្ងៃសុក្រ ៣រោច ខែជេស្ឋ ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី១ ខែមិថុនា ឆ្នាំ២០១៨ នៅតាមបណ្តោយផ្លូវព្រះស៊ីសុវត្ថិ កែងផ្លូវលេខ១០០ ស្ថិតនៅសង្កាត់វត្តភ្នំ ខណ្ឌដូនពេញ រាជធានីភ្នំពេញ ។
ប្រភពព័ត៌មាននៅកន្លែងកើតហេតុបានឲ្យដឹងថា មុនពេលកើតហេតុ គេឃើញរថយន្តមួយគ្រឿងម៉ាកគា ដឹកទឹកកក ពណ៌ខៀវ ពាក់ស្លាកលេខ កណ្តាល 2A-8464 បើកតាមបណ្តោយផ្លូវព្រះស៊ីសុវត្ថិ ទិសដៅពីជើង មកត្បូង ស្រាប់តែមានម៉ូតូយ៉ាម៉ាហា ហ្វីណូ ពណ៌ស លាយខ្មៅផ្កាឈូក មួយគ្រឿង ពាក់ស្លាកលេខ ភ្នំពេញ 1CZ-4278 បើកក្នុងល្បឿនលឿន ក្នុងទិសដៅពីត្បូងមកជើង បានជែងរថយន្តដោយអកសឺជាមួយរថយន្តដឹកទឹកកកនោះ ក៏បានចាប់ហ្វ្រាំងម៉ូតូដួលអូសចូលក្រោមរថយន្ត បណ្តាលឲ្យអ្នកបើកម៉ូតូរងរបួសបាក់ជើងឆ្វេងត្រូវរថយន្តសាមុយដឹកយកទៅសង្គ្រោះនៅមន្ទីរពេទ្យ ។
បន្ទាប់ពីកើតហេតុសមត្ថកិច្ចជំនាញបានមកវាស់វែងយករថយន្ត និងម៉ូតូយកទៅរក្សាទុកនៅអធិការដ្ឋាននគរបាលខណ្ឌដូនពេញដើម្បីរង់ចាំដោះស្រាយទៅតាមនីតិវិធី ៕ ជ្រោយពេជ្រ
