សារព័ត៌មាន នគរវត្ត តែងតែនាំមុខគេជានិច្ច
ខេត្តកំពង់ធំ៖ផ្ទះប្រជាពលរដ្ននៅជាប់ដងស្ទឹងសែន ភូមិកំពុងក្របៅ ក្រុងស្ទឹងសែន ខេត្តកំពង់ធំ កំពុងរងកាប់បាកដីមាត់ច្រាំងជាបន្ដបន្ទាប់ ហានីភ័យនេះបានកំពុងតែយាយីទ្រព្យសម្បត្តិប្រជាពលរដ្នទាំងនោះ ឲ្យមានភាពភ័យខ្លាចទាំងយប់ទាំងថ្ងៃ ។
ពាក់ព័ន្ធនឹងការបាក់ច្រាំងនាំទាំងផ្ទះប្រជាពលរដ្នបាក់ចូលក្នុងស្ទឹងនេះ ត្រូវបាន លោក ម៉ាក ប៊ុន ហ៊ុង អភិបាលក្រុងស្ទឹងសែន ផ្ដល់បទសម្ភាសថា ការបាក់នេះគឺ ជាគ្រោះធម្មជាតិ ពុំមានការបូមខ្សាច់អីនោះទេ ហើយក៏មានកន្លែងជាច្រើនដែលបានបាករួចមកហើយ និងបាក់ជាបន្ដបន្ទាប់ រហូតមកដល់ពេលនេះ ។
លោកអភិបាលខេត្តបានណែនាំឲ្យអាជ្ញាធរក្រុងសិក្សារកកន្លែងណាដែលគិតថា សមរម្យ និងជម្លៀសពួកគាត់ឲ្យផុតពីកន្លែង ហានីភ័យនេះ ហើយ ក៏បានណែនាំប្រជាពលរដ្ន ឲ្យជួយផ្ដល់ព័ត៌មានឲ្យបានរហ័ស ប្រសិនបើមានការបាកបន្ដទៀតនៅទីណានោះ និងកុំឲ្យមានការចាក់ដី បុកគ្រឹះ ឬសាងសង សំណង់បន្ថែមទៀត ៕ ប៊ុនរិទ្ធី
