ស្ត្រីម្នាក់ដេកស្លាប់ដោយសារគាំងបេះដូងនៅស្រុកអង្គរធំ

ខេត្តសៀមរាប៖ ស្ត្រីម្នាក់ដេកស្លាប់ មានការភ្ញាក់ផ្អើលមួយកាលពីវេលា ម៉ោង៨និង៣០នាទី ថ្ងៃអាទិត្យ ១២រោច ខែជេស្ឋ ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី១០ ខែមិថុនា ឆ្នាំ២០១៨ ស្ថិតនៅភូមិស្វាយចេក ឃុំស្វាយចេក ស្រុកអង្គរធំ ខេត្តសៀមរាប ។

មន្ត្រីនគរបាលស្រុកអង្គរធំ បានឲ្យដឹងថា ជនរងគ្រោះ ឈ្មោះ លន់ អ៊ួុរ ភេទស្រី អាយុ ៤៦ឆ្នាំ មុខរបធ្វើស្រែ ស្នាក់នៅភូមិ/ឃុំកើតហេតុខាងលើ ។ បន្ទាប់ពីទទួលបានព័ត៌មាននេះភ្លាម កម្លាំងជំនាញ កម្លាំងប៉ុស្តិ៍ និងអាជ្ញាធរមូលដ្ឋាន បានចុះពិនិត្យកន្លែងកើត និងពិនិត្យសាកសពពុំមានស្លាកស្នាមអ្វីពាក់ព័ន្ធនិងបទល្មើសព្រហ្មទណ្ឌទេ ។

តាមការបំភ្លឺពីឈ្មោះ ជាក់ គាន អាយុ ៤៣ឆ្នាំ ត្រូវជាប្តីជនរងគ្រោះបានឲ្យដឹងថា ជនរងគ្រោះបានដេកស្លាប់ដោយខ្លួនឯងពុំមានពាក់ព័ន្ធនិងបទល្មើសអ្វីទេ។ មន្ត្រីជំនាញនិងលោកគ្រូពេទ្យបានសន្និដ្ឋានថា÷ ជនរងគ្រោះពិតជាស្លាប់ដោយសារគាំងបេះដូង ប្រាកដមែន។ ក្រោយពីពិនិត្យរួច សពជនរងគ្រោះត្រូវបានប្រគល់ជូនក្រុមគ្រួសារដើម្បីរៀបចំធ្វើបុណ្យតាមប្រពៃណី ៕ ប៊ុនរិទ្ធី