សារព័ត៌មាន នគរវត្ត តែងតែនាំមុខគេជានិច្ច
ខេត្តកំពង់ធំ៖ ថ្ងៃពុធ ៧រោច ខែបឋមាសាឍ ឆ្នាំច សំរឹទ្ធិស័ក ព.ស. ២៥៦២ ត្រូវនឹងថ្ងៃទី៤ ខែកក្កដា ឆ្នាំ២០១៨ វេលាម៉ោង១៥និង៤២នាទី នៅចំណុចអូរដំណាក់ភូមិសាស្ត្រភូមិបោសចំបក់ ឃុំទីពោ ស្រុកសន្ទុក ខេត្តកំពង់ធំ មានករណីមនុស្សស្លាប់ដោយសារគាំងបេះដូង ។
សមត្ថកិច្ចមូលដ្ឋានបានឲ្យដឹងថា ជនរងគ្រោះឈ្មោះ ឌឿន សាវឿន ភេទប្រុស អាយុ ៤១ឆ្នាំ ជនជាតិខ្មែរមុខរបរកម្មករ(ចាំចំការ)មានទីលំនៅភូមិលាភទង ឃុំទ្រា ស្រុកស្ទោង ខេត្តកំពង់ធំ ។ ជនរងគ្រោះជាមនុស្សញៀនស្រាត្រូវបានប្អូនបង្កេីតឈ្មោះ ឌឿន ប៊ុននឿន ភេទប្រុស អាយុ ៣៧ឆ្នាំ យកមកនៅជាមួយឲ្យចាំចំការ របស់ខ្លួននៅចំណុចអូរឡិកឡក់ភូមិអូរធំ ឃុំទីពោ ស្រុកសន្ទុក ខេត្តកំពង់ធំ ។
តាមការបំភ្លឺរបស់ឈ្មោះ ឌឿន ប៊ុននឿន ភេទប្រុសអាយុ ៣៧ឆ្នាំ ត្រូវជាប្អូនបង្កើតរបស់ជនរងគ្រោ បានបញ្ជាក់ថា បងរបស់ខ្លួនឈ្មោះ ឌឿន សាវឿន នេះជាមនុស្សញៀនស្រាយូរឆ្នាំមកហេីយដោយ ខ្លួនចង់ឲ្យដាច់ស្រាផង និងចង់ឲ្យមានការងារធ្វេីផងបានយកមកនៅជាមួយ បងប្អូនខ្លួនមានឈ្មោះឌឿន សំណាង និងឈ្មោះឌឿន សម្បត្តិវិជ្ជា ព្រមកម្មករបីនាក់ទៀត ។
នៅថ្ងៃទី០៣ ខែកក្កដា ឆ្នាំ២០១៨ វេលាម៉ោង១០ និង៣០នាទីស្រាប់តែបាត់បងរបស់ខ្លួន(ជនរងគ្រោះ)មិនឃេីញមករោងក៏បាននាំបង ប្អូននិងកម្មករដេីររកមេីល តាមចំការតាមវាលស្រែតែមិនឃេីញ លុះដល់ថ្ងៃទី០៤ ខែកក្កដា ឆ្នាំ២០១៨វេលាម៉ោង១៥និង៤២នាទី ទេីបបានប្រទះឃេីញសាសពបងខ្លួនដេកស្លាប់នៅវាលចំណុចអូរដំណាក់ភូមិស្រែស្រម៉ ឃុំទីពោ ស្រុកសន្ទុក ខេត្តកំពង់ធំ ។
បន្ទាប់ពីទទួលបានព័ត៌មាននេះភ្លាម លោកនាយប៉ុស្តិ៍រដ្ឋបាលឃុំទីពោ បានដឹកនាំកំលាំងនិងសហការណ៍ជាមួយជំនាញនិងក្រុមគ្រួសារសព ។ បានចុះដល់ទីកន្លែងកើតហេតុដេីម្បីពិនិត្យកន្លែងកើតហេតុ និងសាកសព ។
តាមការពិនិត្យនៅជុំវិញ កន្លែងកើតហេតុនិងនៅលេីដង ខ្លួនសាកសពពុំឃេីញមានស្លាកស្នាមអ្វីគួរកត់សំគាល់ជាករណីឃាតកម្មទេ ។
ឆ្លងតាមនឹងពិនិត្យ និងការបំភ្លឺពីសាច់ញាតិគ្រួសារជនរងគ្រោះ ទើបសនិដ្ឋានបានថា សាកសពជនរងគ្រោះស្លាប់ដោយការហេវហត់ដេីរដួលគាំងបេះដូងស្លាប់ ។
ក្រោយពិនិត្យរួចសាកសពជនរងគ្រោះត្រូវបានធ្វេីកំណត់ហេតុប្រគល់ជូនក្រុមគ្រួសារសពយកទៅធ្វេីបុណ្យតាមប្រពៃណី ៕ ប៊ុនរិទ្ធី
