សារព័ត៌មាន នគរវត្ត តែងតែនាំមុខគេជានិច្ច
ខេត្តកំពង់ចាម ៖ កាលពីរសៀលថ្ងៃពុធ ១៤រោច ខែបឋមាសាឍ ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី១១ ខែកក្កដា ឆ្នាំ២០១៨ នៅសាលប្រជុំសាលាស្រុក ចំការលើខេត្តកំពង់ចាមមានការដេញថ្លៃ ភាស៊ីផ្សារបុសខ្នុរ និងផ្សារស្ពឺ ស្រុកចំការ លើ ដែលទើបនឹងដកហូតពីអ្នកវិនិយោគ កាលពីពេលថ្មីៗនេះត្រូវបានមន្ត្រីអាជ្ញាធរខេត្តកំពង់ចាម និងអាជ្ញាធរស្រុកចំការលើ រួមជាមួយគណៈអាជីវករផ្សារទាំងពីរបាន បន្តដាក់ការដេញថ្លៃយកភាស៊ីដល់អ្នកវិនិ យោគថ្មីទៀតក្រោមអធិបតីភាពលោក ពេជ្រ ហោះ នាយករងរដ្ឋបាលសាលាខេត្ត កំពង់ចាម និងចូលរួមដោយលោក ខ្លូត ចិន្តា អភិបាលស្រុកចំការលើ ។
ក្រុមគណៈអាជីវករផ្សារបុសខ្នុរបាន អះអាងថា ផ្សារនេះអាចប្រមូលភាស៊ីបាន ប្រាក់ក្នុងមួយថ្ងៃ ចំនួន២២១.០០០រៀល (ម្ភៃពីរម៉ឺនមួយពាន់រៀល) ហើយផ្សារនេះ អាជ្ញាធរ និងគណៈអាជីវករបានសម្រេច ប្រគល់ឲ្យអ្នកស្រី លីម ម៉ាលីន ប្រមូល ភាស៊ីសាកល្បង១ខែត្រូវបង់ចូលមក គណៈអាជីវករផ្សារជាទឹកប្រាក់ចំនួន ៣.២០០.០០រៀល (បីលានពីរសែន រៀល)។ ដោយឡែកផ្សារស្ពឺ ដែលក្រុម គណៈអាជីវករផ្សារបានអះអាងថា ប្រមូល ភាស៊ីក្នុង១ថ្ងៃបានចំនួន២៣ម៉ឺនរៀល ហើយផ្សារនេះមានអ្នកម៉ៅការចំនួន៣ នាក់ចូលរួមក្នុងការដេញថ្លៃក្នុងនោះ ឈ្មោះ តេក គឹមហ័ង ហ៊ានបង់ឲ្យគណៈអាជីវករ ក្នុង១ខែ ៦លានរៀលកន្លះ។ ដោយឡែក លោក ចាន់ ទិត្យ ហ៊ានបង់១ ខែ៦.៥៨៥. ៩០០រៀល។ ចំណែក លោក លី វេងហុក ហ៊ានខ្ពស់ជាងគេដោយបង់ ក្នុង១ខែ៧.៤៩៩.៩០០រៀល។ ដូច្នេះ អាជ្ញាធរ និងគណៈអាជីវករផ្សារនេះបាន សម្រេចប្រគល់ឲ្យលោក លី វេងហុក ប្រមូលភាស៊ីសាកល្បង៣ខែ ។ ជាមួយ គ្នានោះ លោក ពេជ្រ ហោះ នាយករងរដ្ឋបាលសាលាខេត្តកំពង់ចាមបានថ្លែងផ្តាំផ្ញើ ដល់អ្នកម៉ៅការសូមឲ្យប្រមូលភាស៊ីដោយ អនុវត្តតាមសៀវភៅបន្ទុក និងថែរក្សា សណ្តាប់ធ្នាប់ និងអនាម័យក្នុងផ្សារឲ្យ បានល្អ និងប្រើពាក្យសម្តីឲ្យបានសមរម្យ ជាមួយអាជីករផងដែរ។
គួរបញ្ជាក់ថា ផ្សារទូទាំងខេត្តកំពង់ចាម រួមទាំងផ្សារវិនិយោគរដ្ឋបានដកហូតពី ម្ចាស់វិនិយោគព្រោះតែមិនចង់ឃើញពីការ ទារភាស៊ីថ្លៃពីម្ចាស់ភាស៊ីលើបងប្អូនអ្នក លក់ដូរ។ ម្យ៉ាងរដ្ឋចង់ជួយសម្រាលបន្ទុក បងប្អូនអាជីវករក្នុងផ្សារ ហេតុដូចនេះរដ្ឋបានលុបភាស៊ីផ្សារទូទាំងខេត្តកំពង់ចាម ដោយមិនចង់ឃើញការប្រមូលភាស៊ីតាម រយៈការដេញថ្លៃខ្ពស់គាបសង្កត់អាជីវករ។ ដោយឡែកភាស៊ីផ្សារខាងលើត្រូវបាន យកមកដេញថ្លៃឲ្យអ្នកផ្សេងគ្រប់គ្រង និង ប្រមូលភាស៊ីជំនួសដោយរដ្ឋមិនទាន់បាន ប្រគល់លុយដល់អ្នកវិនិយោគគ្រប់ចំនួន នៅឡើយ។ យើងនឹងបន្តព័ត៌មានបន្ថែម នៅពេលក្រោយ ៕ ហេង នរិន្ទ្រ
