សារព័ត៌មាន នគរវត្ត តែងតែនាំមុខគេជានិច្ច
ខេត្តព្រះសីហនុ៖ ព្រឹកថ្ងៃសៅរ៍ ២កើត ខែទុតិយាសាឍ ឆ្នាំច សំរិទ្ធិស័ក ព.ស. ២៥៦២ ត្រូវនឹងថ្ងៃទី១៤ ខែកក្កដា ឆ្នាំ២០១៨ លើផ្លូវជាតិលេខ៤ ម្តុំចំណោត អូរត្រាវក្រុមទី១៧ ភូមិ១ សង្កាត់លេខ១ ក្រុង/ខេត្តព្រះសីហនុ មានគ្រោះថ្នាក់មួយកើតឡើង បុរសម្នាក់ជិះម៉ូតូ ១គ្រឿងម៉ាក HONDA C125 ពណ៌ ខ្មៅ លេខព្រះសីហនុ1-8387 គាត់ឈ្មោះ មិញ បូរ៉េត ភេទ ប្រុស អាយុ ៥៦ឆ្នាំ មុខរបរកម្មករ រោងចក្រស្រាបៀរអង្គរ មានទីលំនៅភូមិពូធឿង ឃុំបិតត្រាង ស្រុកព្រៃនប់ ខេត្តព្រះសីហនុ មានទិសដៅចេញពីរោងចក្រស្រាបៀរអង្គរ ឆ្ពោះទៅផ្ទះ នៅភូមិពូធឿង លុះដល់ចំណុចខាងលើ បានបុកប៉ះនឹងផ្លាកពុះដីលក់ ដែលរលំបាក់ធ្លាក់មកលើផ្លូវ បណ្ដាលឲ្យរងរបួសធ្ងន់។
ក្រោយពេលទទួលបានព័ត៌មាននេះភ្លាម កម្លាំងនគរបាលប៉ុស្តិ៍រដ្ឋបាលសង្កាត់លេខ១ បានហៅរថយន្តសង្គ្រោះបញ្ជូនអ្នករងគ្រោះទៅសង្គ្រោះ នៅគ្លីនិកមិត្តភាពឃ្លាំងលើ ក្រោយមកស្ថានភាពអ្នករបួសធ្ងន់ធ្ងរពេក បានបញ្ជូនទៅសង្គ្រោះនៅមន្ទីរពេទ្យបង្អែកខេត្ត ក្រោយមកស្លាប់នៅក្នុងមន្ទីរពេទ្យនៅវេលាម៉ោង ១២:៣០នាទី៕ ឆ្លាម សមុទ្រ
