សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ផ្សាដែកធ្លាក់កម្ទេចភ្លើង ឆេះគ្រឿងម៉ាស៊ីនត្រជាក់ និងសម្ភារសំណង់នៅអគារពាណិជ្ជកម្ម RHB កំពុងសាងសង់ថ្មីនៅជាន់ទី៣ ជាន់ទី៤ តាមបណ្តោយផ្លូវលេខ១០៦កែងផ្លូវសហពន្ធ័រុស្ស៊ី ភូមិទី៥ ក្នុងសង្កាត់ស្រះចក ខណ្ឌដូនពេញ រាជធានីភ្នំពេញ កាលពីម៉ោង២រសៀល ថ្ងៃទី៩ ខែតុលា ឆ្នាំ២០១៨។
តាមសម្តីសមត្ថកិច្ចបានឲ្យដឹងថា ឈ្មោះ ចាន់ ដារា ភេទប្រុស អាយុ៤៦ឆ្នាំ មុខរបរ អ្នកគ្រប់គ្រងសំណង់ កន្លែងកើតហេតុ។
សមត្ថកិច្ចបានឲ្យដឹងថា ដោយសារមានក្រុមជាងចិនផ្សាដែកធ្លាក់កម្ទេចភ្លើង ទើបបង្កឲ្យមានភ្លើងឆាបឆេះឡើងតែម្តង។
ក្នុងកិច្ចប្រតិបត្តិការណ៍ជួយអន្តរាគមន៍សង្គ្រោះ និងពន្លត់អគ្គិភ័យ បានប្រើប្រាស់រថយន្តពន្លត់អគ្គិភ័យចំនួន១៨ គ្រឿង ប្រើប្រាស់ទឹកអស់ចំនួន១២ឡានស្មើ៦០ម៉ែត្រគូប ទើបគ្រប់គ្រងបានទាំងស្រុង ។
ការខូចខាត ម៉ាស៊ីនត្រជាក់ចំនួន១២គ្រឿង និងសម្ភារប្រើប្រាស់ជាគ្រឿងសំណង់មួយចំនួនធំ ៕ ជ្រោយពេជ្រ
