យុវជនម្នាក់ត្រូវបានសមត្ថកិច្ចនគរបាលប៉ុស្តិ៍ទឹកល្អក់ទី៣ ឃាត់ខ្លួនពីបទឆក់កាបូបនៅមុខផ្សារសំណង់១២

ភ្នំពេញ: កម្លាំងនគរបាលប៉ុស្តិ៍រដ្ឋបាលសង្កាត់ទឹកល្អក់ទី៣ ខណ្ឌទួលគោក បានឃាត់ខ្លួនជនសង្ស័យម្នាក់ជាក់ស្តែង ពីបទឆក់កាបូបនៅមុខផ្សារសំណង់១២ កាលពីម៉ោងជិត១០ព្រឹក ថ្ងៃទី១២ ខែតុលា ឆ្នាំ២០១៨ ផ្លូវលេខ២៦៥ ក្រុមទី៤៣ ភូមិទី១៣ សង្កាត់ទឹកល្អក់ទី៣ ខណ្ឌទួលគោក រាជធានីភ្នំពេញ។

សមត្ថកិច្ចបានឲ្យដឹងថា ជនសង្ស័យឈ្មោះ គង់ សេនរីទ្ធីពិសាល អាយុ១៥ឆ្នាំ មុខរបរមិនពិតប្រាកដ ស្នាក់នៅផ្ទះលេខ៥ ផ្លូវលំ សង្កាត់កាកាប២ ខណ្ឌពោធិ៍សែនជ័យ រាជធានីភ្នំពេញ ។ ឯចំណែកជនរងគ្រោះឈ្មោះ ង៉ែត ប៊ុនសុផាណា ភេទស្រី អាយុ៥៥ ឆ្នាំមុខរបរមេផ្ទះស្នាក់នៅផ្ទះលេខ៧BEo ផ្លូវលេខ២៦៥ ក្រុមទី៣៩ ភូមិទី១៣ សង្កាត់ទឹកល្អក់ទី៣ ខណ្ឌទួលគោក រាជធានីភ្នំពេញ។

ក្នុងនោះដែរ សម្ភារបាត់បង់កាបូប ពណ៌ខ្មៅ ក្នុងនោះមានលុយខ្មែរចំនួន៥០០,០០០រៀល ព្រមទាំងឯកសារមួយចំនួន។

បច្ចុប្បន្នជនសង្ស័យ និងវត្ថុតាង កំពុងឃាត់ខ្លួនបណ្តោះអាសន្ននៅអធិការដ្ឋាននគរបាលខណ្ឌទួលគោក ដើម្បីសាកសួរ និងកសាងសំណុំរឿង បញ្ជូនទៅសាលាដំបូងរាជធានីភ្នំពេញ ចាត់ការបន្តតាមនីតិវិធី និងបន្តស្រាវជ្រាវឃាត់ខ្លួនជនសង្ស័យម្នាក់ទៀត ៕ ជ្រោយពេជ្រ