សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា នៅដើមខែវិច្ឆិកា ឆ្នាំ២០១៨ ខាងមុខនេះ នឹងអញ្ជើញជាអធិបតីភាពដ៏ខ្ពង់ខ្ពស់បើកសន្និសីទថ្នាក់តំបន់ស្តីពី”ការប្រយុទ្ធប្រឆាំងឱសថក្លែងក្លាយ និង អន់គុណភាព” នៅសណ្ឋាគារសូហ្វីតែលភ្នំពេញភូគីត្រា រាជធានីភ្នំពេញ ។
យោងតាមសេចក្ដីប្រកាសព័ត៌មាន របស់គណៈកម្មាធិការប្រយុទ្ធប្រឆាំងផលិតផលក្លែងក្លាយ ដែលបង្កគ្រោះថ្នាក់មានហានិភ័យខ្ពស់ដល់សុខភាពនិងសុវត្ថិភាពសង្គម បង្ហាញថា សន្និសីទនេះមានការចូលរួមពីប្រតិភូនិងឥស្សរជនអន្តរជាតិនានាមកពីប្រទេសបារាំង ចិន ភូមា ថៃ ឡាវ វៀតណាម និង តំណាងជាន់ខ្ពស់របស់អង្គការ WTO ស្ថាប័នស្រាវជ្រាវនានាពាក់ព័ន្ធជាមួយវិស័យសុខាភិបាល និង ផលិតផលសុខាភិបាល ក៏ដូចជាតំណាង UNITAID តំណាងនគរបាល iNTERPOL មន្ត្រីក្រសួង ស្ថាប័ន នៃរាជរដ្ឋាភិបាលកម្ពុជា និង វិស័យឯកជនពាក់ព័ន្ធ សរុបប្រមាណ៤៥០នាក់ ៕ ចេស្តា
