សារព័ត៌មាន នគរវត្ត តែងតែនាំមុខគេជានិច្ច
ខេត្តព្រះសីហនុ៖ ប្រភពពីសមត្ថកិច្ចនគរបាលស្រុកកំពង់សិលា បានឲ្យដឹងថា នៅវេលាម៉ោងជាង១២ រសៀលថ្ងៃពុធ ៤ រោច ខែ មិគសិរ ឆ្នាំ ច សំរឹទ្ធិស័ក ព.ស.២៥៦២ ត្រូវនឹង ថ្ងៃទី២៦ ខែធ្នូ ឆ្នាំ២០១៨ នៅចន្លោះគីឡូម៉ែត្រ១១១.១១២ ស្ថិតក្នុងភូមិស្ទឹងច្រាល ឃុំអូរបាក់រទេះ ស្រុកកំពង់សីលា ខេត្តព្រះសីហនុ មានគ្រោះថ្នាក់ចរាចរណ៏ក្រឡាប់រថយន្ត ដោយខ្លួនឯងមួយករណីបណ្តាលឲ្យមនុស្សស្លាប៣នាក់និងរបួសធ្ងន់៩នាក់ ។
សមត្ថកិច្ចបានឲ្យដឹងទៀតថា រថយន្តដែលក្រឡាប់នេះ ជារថយន្តម៉ាកស្តារិច ពណ៌ស ស្លាកលេខភ្នំពេញ2AW-0985 ធ្វើដំណើរមានទិសដៅពីភ្នំពេញ-ខេត្តព្រះសីហនុដោយមានអ្នករួមដំណើរចំនួន១៣នាក់ក្នុងនោះមានស្រី២នាក់ហើយ ពេលមកដល់ចំណុចកើតហេតុ រថយន្តបានរេចង្កូតក្រឡាប់ខ្លួនឯង បណ្តាលអោយស្លាប់ចំនួន៣នាក់ រងរបួសធ្ងន់ចំនួន៩នាក់និង របួសស្រាលម្នាក់តែម្តង ។
ជនរងគ្រោះដែលស្លាប់ និងរបួសធ្ងន់មានឈ្មោះដូចខាងក្រោម :
១.ឈ្មោះ ធឿន ធន ភេទប្រុស អាយុ៤០ឆ្នាំ (អ្នកបើកបរ) របួសធ្ងន់ មានទីលំនៅខេត្តកំពង់ស្ពឺ
២.ឈ្មោះ សែម វីរៈ ភេទប្រុស អាយុ៣៤ឆ្នាំ របួសធ្ងន់ មានទីលំនៅខេត្តបាត់ដំបង
៣.ឈ្មោះ សុខ ឡាយ ភេទប្រុស អាយុ៥០ឆ្នាំ របួសធ្ងន់ មានទីលំនៅភ្នំពេញ
៤.ឈ្មោះ គឹម សុផាត ភេទប្រុស អាយុ៣៩ឆ្នាំ របួសធ្ងន់ មានទីលំនៅខេត្តកំពង់ស្ពឺ
៥.ឈ្មោះ ឃឹម វន ភេទប្រុស អាយុ៣៩ឆ្នាំ របួសធ្ងន់ មានទីលំនៅខេត្តកំពង់ស្ពឺ
៦.ឈ្មោះ សយ ប៉ុនថន ភេទប្រុស អាយុ៣៤ឆ្នាំ របួសធ្ងន់ មានទីលំនៅកំពង់ស្ពឺ
៧.ឈ្មោះ ឡាយ ភេទប្រុស អាយុ២៩ឆ្នាំ របួសធ្ងន់ មានទីលំនៅខេត្តកំពង់ធំ
៨.ឈ្មោះ ទក ភេទប្រុស អាយុ២១ឆ្នាំ របួសធ្ងន់ មានទីលំនៅខេត្តកំពង់ស្ពឺ
៩.ឈ្មោះ ចេវ សីហា ភេទប្រុស អាយុ២៣ឆ្នាំ របួសធ្ងន់ មានទីលំនៅខេត្តតាកែវ
១០.ឈ្មោះ ឆេង ខន ភេទប្រុស អាយុ៣៥ឆ្នាំ មានទីលំនៅខេត្តតាកែវ(ស្លាប់នៅនឹងកន្លែង)
១១.ឈ្មោះ ស្រី នាង អាយុ២២ឆ្នាំ មានទីលំនៅខេត្តកំពង់ស្ពឺ (ស្លាប់នៅនឹងកន្លែង)
១២.ឈ្មោះ ធន លក្ខិណា ភេទស្រី អាយុ៤ឆ្នាំ (ស្លាប់នៅនឹងកន្លែង)
បច្ចុប្បន្នសាកសពត្រូវបានសមត្ថកិច្ចប្រគល់ជូនក្រុមគ្រួសារយកទៅធ្វើបុណ្យតាមប្រពៃណី។ចំណែកជនរងគ្រោះដែលរងរបួសធ្ងន់ត្រូវបានបញ្ជូនទៅមន្ទីរពេទ្យបង្អែកស្រែអំបិលដើម្បីជួយសង្រ្គោះ។ ចំពោៈរថយន្តត្រូវបានយកមករក្សាទុកនៅអធិការដ្ឋាននគរបាលស្រុកកំពង់សីលា ៕ ឆ្លាម សមុទ្រ
