សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ បុរសជនសង្ស័យម្នាក់ត្រូវថៅកែ ចាប់ប្រគល់ឲ្យនគរបាលប៉ុស្តិ៍ទន្លេបាសាក់ ខណៈយករថយន្តម៉ាកហាយឡែនឌ័រ ទៅបញ្ជាំ យកលុយទៅចាញ់ល្បែងអស់៤ពាន់ដុល្លារ ។
ហេតុការណ៍នេះកើតឡើង កាលវេលាម៉ោង១០និង០០នាទីព្រឹក ថ្ងៃទី២៦ ខែធ្នូ ឆ្នាំ ២០១៨ នៅចំណុចផ្ទះលេខA៣២(បុរីវរៈជន) ផ្លូវ អារីសូណា ក្រុម៧៨ ស្ថិតនៅភូមិ១៤ សង្កាត់ទន្លេបាសាក់ ខណ្ឌចំការមន រាជធានីភ្នំពេញ ។
តំណាងដើមបណ្ដឹងឈ្មោះ ជា ពុទ្ឋារិន ភេទប្រុស អាយុ ៣៦ឆ្នាំ មុខរបរជាមេធាវី ស្នាក់នៅផ្ទះលេខ០៧ ផ្លូវលេខ៣ សង្កាត់ភ្នំពេញថ្មី ខណ្ឌសែនសុខបានយករថយន្តម៉ាកហាយឡែនឌ័រ ពណ៌ខ្មៅ ផលិតឆ្នាំ២០០១ ពាក់ស្លាកលេខ ភ្នំពេញ ២H-៨៤៦៨ តាមដើមបណ្តឹងចាប់បុរសជនសង្ស័យ ង៉ាន់ អ៊ុយ ភេទប្រុស អាយុ៦០ឆ្នាំ មុខរបរបើកបររថយន្ត បច្ចប្បន្នស្នាក់នៅជាមួយថៅកែផ្ទះលេខA៣២(បុរីវរៈជន) ផ្លូវ អារីសូណា ក្រុម៧៨ ស្ថិតនៅភូមិ១៤ សង្កាត់ទន្លេបាសាក់ ខណ្ឌចំការមន មានស្រុកកំណើត ស្រុក កំពង់សៀម ខេត្តកំពង់ចាមប្រគល់ឲ្យសមត្ថកិច្ចចាត់ការតាមផ្លូវច្បាប់ពេលយករថយន្តថៅកែចិត្តឯងយកទៅបញ្ជាំក្នុងតំលៃ៤ពាន់ដុល្លាសហរដ្ឋអាមេរិកលេងល្បែងចាញ់អស់គ្មានសល់ និងមិនប្រាប់ ដល់ថៅកែស៊ើបដឹងចាប់ប្រគល់ឲ្យសមត្ថកិច្ចតែម្ដង ។
បច្ចុប្បន្ន ជនសង្ស័យត្រូវបានកសាងសំណុំរឿងបញ្ជូលទៅអធិការដ្ឋាននគរបាលខណ្ឌចំការមន ដើម្បីចាត់ការបន្តតាមនីតិវិធី ៕ ស រស្មី
