សារព័ត៌មាន នគរវត្ត តែងតែនាំមុខគេជានិច្ច
ខេត្តស្វាយរៀង៖ មានការភ្ញាក់ផ្អើលដល់អ្នកធ្វើដំណើរ ក៏ដូចជាក្រុមអាជីវករលក់ដូរ និងម្ចាស់ម៉ូតូស្រែកឲ្យជួយរកបន្ទាប់ពីមានជនសង្ស័យបានកាច់ករម៉ូតូជិះគេចខ្លួនបាត់ស្រមោលភ្លាមៗកាលពីនៅថ្ងៃអាទិត្យ ទី៦ ខែមករា ឆ្នាំ២០១៩ ចន្លោះពីម៉ោង៦ ទៅ៧ ព្រឹក ត្រង់ចំណុចខាងលិចផ្សារវាលយន្ត ស្ថិតនៅភូមិ វាលយន្តសង្កាត់ស្វាយរៀង ក្រុងស្វាយរៀង ។
បើតាមសមត្ថកិច្ចនគរបាលក្រុងស្វាយរៀងបានឲ្យដឹងថា ម្ចាស់ម៉ូតូរងគ្រោះ មានឈ្មោះ ធីម សុភា ភេទស្រីអាយុ៣១ឆ្នាំ មុខរបរលក់បន្ល្លែ និងត្រី រស់នៅភូមិស្វាយតាផ្លឃំុ បាសាក់ ស្រុកស្វាយជ្រំខេត្តស្វាយរៀង ។
ចំណែកម៉ូតូដែលត្រូវចោកាច់ករម៉ាក HONDAC125 ស៊េរី2017 ពណ៌ខ្មៅ ពាក់ស្លាកលេខ ភ្នំពេញ 1GF.6858 ។
ចំពោះជនសង្ស័យមិនត្រូវបានស្គាល់អត្តសញ្ញាណនៅឡើយ ខណៈសមត្ថកិច្ចកំពុងធ្វើកំណត់ហេតុដើម្បីស្រាវជ្រាវរកមកផ្ដន្ទាទោសតាមច្បាប់ ។
យោងតាមម្ចាស់ម៉ូតូឈ្មោះឈ្មោះធីម សុភា បានប្រាប់់សមត្ថកិច្ចថា មុនកើតហេតុគាត់បានជិះម៉ូតូហុងដាសេ ១២៥ មួយគ្រឿងពីផ្ទះគោលបំណងមកផ្សាវាលយន្តក្រុងស្វាយរៀងដើម្បីទិញបន្លែនិងត្រីខណះបានយកម៉ូតូរបស់ខ្លួន ទៅបញ្ឈរទុកនៅកន្លែងលក់គុយទាវប្រមាណកន្លះម៉ោងក្រោយមកក៏បានដើរចេញមកពីផ្សារហើយក្រឡេកមើលម៉ូតូស្រាប់តែមិនឃើញក៏ស្រែកផ្អើលនាំគ្នាជួយរកនិងរាយការណ៏មកសមត្ថកិច្ចភ្លាមៗតែម្ដងប៉ុន្តែមិនដឹងជនសង្ស័យកាច់ករម៉ូតូតាំងពីពេលណានោះទេដោយបានត្រឹមតែដាក់ពាក្យបណ្ដឹងមកសមត្ថកិច្ចប៉ុណ្ណោះ ៕ យឹម សុថាន
