សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ គណៈបញ្ជាការឯកភាពខណ្ឌពោធិសែនជ័យ ដឹកនាំដោយលោកហែម ដារិទ្ធ អភិបាល ចុះត្រួតពិនិត្យមើលតាមក្លឹបកម្សាន្តក្នុងភូមិសាស្រ្តខណ្ឌពោធិសែនជ័យ ដើម្បីទប់ស្កាត់ហានិភ័យផ្សេងៗ ដូចជាគ្រឿងញៀនបងធំបងបងតូចជាដើម កាលពីវេលាម៉ោង៩និង៣០នាទីយប់ ថ្ងៃទី២១ ខែមករា ឆ្នាំ២០១៩ ស្ថិតក្នុងក្លឹបមីតណាយនិងក្លឹបស្ពាយឌ័រ ក្នុងសង្កាត់ចោមចៅទី១ ខណ្ឌពោធិ៍សែនជ័យ ។
លោកហែម ដារិទ្ធ អភិបាលនៃគណៈអភិបាលខណ្ឌពោធិ៍សែនជ័យបានលើកឡើងថា ដើម្បីឲ្យក្លឹបនីមួយៗ មានសុវត្ថិភាព បង្កហិង្សាបងធំ បងតូច ចរាចរណ៍គ្រឿងញៀនជាដើម លោកនឹងចុះនិត្យឲ្យញឹក់ញ៉ាប់មិនត្រឹមតែប៉ុណ្ណោះ លោកនឹងដាក់កម្លាំងចាំស៊ើបអង្កេត(ឌឹបេ) នៅទីតាំងនីមួយៗ ។
សកម្មភាពចុះ ត្រួតពិនិត្យមើល តាមក្លឹបកម្សាន្តរបស់គណៈបញ្ជាការឯកភាពខណ្ឌបែបនេះ ត្រូវបានបងប្អូនប្រជពលរដ្ឋសាទរ ដើម្បីបង្ការ ទប់ស្កាត់ រាល់បទល្មើសផ្សេងៗបានមួយចំណែកដែរ រក្សាបាននូវសន្តិសុខ ភូមិឃុំមានសុវត្តិភាព សម្រាប់ប្រជាពលរដ្ឋ ។
តែបើតាមប្រភពព័ត៌មានមួយទៀតបានឲ្យដឹងថា ទីតាំងក្លឹបមីតណាយ ពោពេញទៅដោយបងធំបងតូច និងក្រុមប្រើប្រាស់ថែមទាំងចរាចរណ៍គ្រឿងញៀនទៀតផង ហើយត្រូវបានកម្លាំងអន្តរាគមន៍ ពិសេសនៃអធិការនគរបាលខណ្ឌពោធិ៍សែនជ័យចុះបង្ក្រាបបានជាញឹកញាប់ផងដែរ តែនៅតែមានក្រុមទាំងនោះ ។
ចាំមើលតើលោកហែមដារិទ្ធ និងប្រើប្រាស់កម្លាំងសើបអង្គេតរបស់លោកបោសសម្អាតបានដែរ ឬទេ? ៕សុខាសែនជ័យ
