សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ យុវជនចំនួន២នាក់ បានរងរបួសធ្ងន់ ត្រូវបានបញ្ជូនទៅសង្គ្រោះភ្លាមៗ ខណៈកំពុងជិះម៉ូតូហើយ ត្រូវរថយន្តសង្គ្រោះរបស់មន្ទីរពេទ្យខ្មែរសូវៀត ហៅមន្ទីរពេទ្យរុស្ស៊ីបត់ចូលមន្ទីរពេទ្យ ហើយបុកកាលពីវេលាម៉ោង៩និង៤០នាទីយប់ ថ្ងៃទី២១ ខែមករា ឆ្នាំ២០១៩ ទល់មុខមន្ទីរពេទ្យ មិត្តភាពខ្មែរ សូវៀត ផ្លូវ២៧១ សង្កាត់ទំនប់ទឹក ខណ្ឌចំការមន ។
តាមសម្តីអ្នកឃើញហេតុការណ៍ បានឲ្យដឹងថា មុនពេលកើតហេតុ គេបានឃើញ បុរស២នាក់ បានជិះម៉ូតូម៉ាក់ ឌ្រីមសង់ សេរីឆ្នាំ២០១២ ពណ៌ខ្មៅ ពាក់ស្លាកលេខ ភ្នំពេញ 1BQ 6283 បានធ្វើដំណើរតាមផ្លូវ២៧១ ក្នុងទិសដៅ ពីត្បូងទៅជើង ក្នុងល្បឿនលឿន ខណៈមកដល់ចំណុចកើតហេតុ មុខនិងមន្ទីរពេទ្យ មិត្តភាពខ្មែរសូវៀត ក៍ស្រាប់តែមានរថយន្ត សង្គ្រោះរបស់មន្ទីរពេទ្យ មិត្តភាព ខ្មែរ បានធ្វើតាមផ្លូវ២៧១ ក្នុងទិសដៅ បញ្ច្រាសគ្នា បានបត់ចូល ក្នុងមន្ទីរពេទ្យ ក៏ជ្រុលទៅបុកម៉ូតូឌ្រីមសង់ ដែលជិះដោយ យុវជន២នាក់ ចំពាក់កណ្តាលពេញទំហឹង បណ្តាលឲ្យជនរងគ្រោះខ្ទាតទៅចិញ្ចើមផ្លូវ ព្រមទាំងធ្វើឲ្យអ្នកបើកម៉ូតូ រងរបួស បាក់ ខ្នងជើងខាងឆ្វេងធ្ងន់ និងម្នាក់ទៀតដែលអង្គុយខាងក្រោយ រងរបួសក្បាលជង្គង់ខាងឆ្វេងស្រាល ម៉ូតូរងការខូចខាត មួយចំហៀងខាងឆ្វេង ។
ដោយឡែកខាងរថយន្តសាមុយវិញបាន បើកគេចចូលទៅមន្ទីរពេទ្យបាត់ ក្នុងហេតុការណ៍នេះដែរ បន្តិចក្រោយមក ក៍៏មានរថយន្ត សាមុយរបស់មន្ទីរពេទ្យ មួយគ្រឿង បានចេញមកដឹក យកជនរងគ្រោះទាំងពីរនាក់ ទៅសង្គ្រោះនៅមន្ទីរពេទ្យ ។
ក្រោយពេលកើតហេតុ គឺមានតំណាងខាងមន្ទីរពេទ្យ បានមក សម្របសម្រួលគ្នា ជាមួយនឹងតំណាងខាងម៉ូតូ ដោយខាងមន្ទីរពេទ្យ បានយល់ព្រមជួយ ព្យាបាលរបួសឲ្យជា ដោយមិនយកលុយ និង ជួយចេញថ្លៃការជួសជុលម៉ូតូចំនួន ១០០ដុល្លារ បន្ថែមទៀតដើម្បីបញ្ចប់រឿង ៕ សុខាសែនជ័យ
