សារព័ត៌មាន នគរវត្ត តែងតែនាំមុខគេជានិច្ច
ខេត្តព្រះសីហនុ៖ ថ្ងៃអង្គារ ២រោច ខែបុស្ស ឆ្នាំច សំរឹទ្ធិស័ក ពុទ្ធសករាជ ២៥៦២ ត្រូវនឹងថ្ងៃទី២២ ខែមករា ឆ្នាំ២០១៩ វេលាម៉ោង១៧.៣០នាទីល្ងាចកម្លាំង ជំនាញ អធិការ ដ្ឋាននគរបាលស្រុក ព្រៃនប់ បានចុះបង្ក្រាបករណីគ្រឿងញៀននៅចំណុច ព្រៃស្មាច់ ស្ថិតក្នុងភូមិ អូរឧកញ៉ាហេង ឃុំ អូរឧកញ៉ាហេង ស្រុកព្រៃនប់ ខេត្តព្រះសីហនុ ដោយឃាត់ខ្លួនជនសង្ស័យម្នាក់ឈ្មោះ សាន់ តឹម ភេទ ប្រុស អាយុ៣៦ ឆ្នាំ មានទីលំនៅភូមិអូរឧកញ៉ាហេងឃុំ អូរឧកញ៉ាហេង ស្រុក ព្រៃនប់ ខេត្តព្រះសីហនុ ។
ដកហូត វត្ថុតាងរួមមាន :1 ម្សៅក្រាមសង្ស័យសារធាតុញៀនចំនួន ៨កញ្ចប់ ទូរស័ព្ទចំនួន ០១គ្រឿង និង សម្ភារៈប្រើប្រាស់មួយចំនួន។
នៅពេលដែលសមត្ថកិច្ចកំពុងធ្វើការស្រាប់តែមានឈ្មោះ សាន់ ធឹម ភេទប្រុស អាយុ៣២ឆ្នាំ មានទីលំនៅភូមិពូធឿង ឃុំបិតត្រាំង ស្រុកព្រៃនប់ខេត្តព្រះសីហនុ មករារាំងសមត្ថកិច្ច និង ចេញកាយវិការមិនគួរសម រួចសមត្ថកិច្ចក៏ឃាត់ខ្លួនតែម្ដង និងដកហូតបានទូរស័ព្ទ០១គ្រឿង ហើយធ្វើតេស្តឃើញមានសារធាតុញៀនក្នុងខ្លួនផងដែរ។
ករណីនេះនគរបាលកំពុងកសាងសំណុំចាត់ការបន្តតាមច្បាប់ ៕ ឆ្លាម សមុទ្រ
