ភ្នំពេញ៖ ហេតុការណ៍ភ្ញាក់ផ្អើលមួយបន្ទាប់ពីមានពិធីមង្គលការមួយ ខណៈដែលភ្ញៀវផឹកស៊ីស្រវឹង ស្រាប់តែទំនាស់គ្នាជាមួយប្រជាការពាភូមិវាយគ្នា ផ្អើលក្នុងរោងការ និងធ្វើឲ្យរបួសសងខាង ។
ហេតុការណ៍នេះ ភ្ញាក់ផ្អើលនេះ បានកើតឡើងកាលពីវេលាម៉ោង៩ និង១៥ នាទីយប់ ថ្ងៃទី២៤ ខែមករា ឆ្នាំ២០១៩ តាមបណ្ដោយផ្លូវបេតុង ដែលស្ថិតនៅភូមិ ត្រពាំងល្វា សង្កាត់កាកាបទី១ ខណ្ឌពោធិ៍សែនជ័យ រាជធានីភ្នំពេញ ។
ជនរងគ្រោះមានឈ្មោះ សុខ ហុក ភេទប្រុស អាយុជាង៤០ឆ្នាំ ចំណែកជនបង្កដែលស្គាល់គ្នាឈ្មោះ ណាក់ ។
តាមប្រភពព័ត៌មានពីជនរងគ្រោះបានឲ្យដឹងថា នៅមុនពេលកើតហេតុរូបគាត់ និងមិត្តភក្ដិ២-៣នាក់ទៀតបាននាំគ្នាចូលរួមក្នុងពិធីមង្គលការនៅកន្លែងកើតហេតុដោយគាត់ និងមិត្តភក្ដិផ្សេងទៀតនិយាយថា ពួកគាត់ចាំចូលក្រោយគេ ព្រោះពួកគាត់ជាបងប្អូន ។
លុះបន្ទាប់មកនៅវេលាម៉ោងកើតហេតុ ប្រជាការពារភូមិ ក៏បានស្រែកហៅបន្ទាប់មក ស្រាប់តែជនបង្ក ដែលជាប្រជាការពារភូមិនោះ បានយកអាយកូមវាយទៅលើជនរងគ្រោះមួយអាយកូម បណ្តាលឲ្យរយះចិញ្ចើមនៅមុខរោងការក្មួយបណ្តាលឲ្យផ្អើលឆោឡោពេញតែម្តង បន្ទាប់មកបងប្អូនម្ចាស់ដើមការខឹងវាយទៅលើជនបង្កដែលត្រូវជាបងប្អូនបណ្តាលឲ្យទ្រមខ្លួន ជនបង្កត្រូវបានបងប្អូនដេញឲ្យទៅផ្ទះភ្លាមៗកុំឲ្យមានបញ្ហាទៀតព្រោះស្រវឹងខ្លាំងពេក ។
ក្រោយពេលកើតហេតុ ជនរងគ្រោះបានទៅដាក់ពាក្យបណ្ដឹងដើម្បីឲ្យសមត្ថកិច្ចហៅជនបង្កដែលជាប្រជាការពារភូមិមកណែនាំ ព្រោះជនរងគ្រោះប្រញាប់ឡើងយន្តហោះចេញទៅប្រទេសក្រៅ នៅថ្ងៃស្អែកផង ៕ សុខាសែនជ័យ