ម៉ូតូ២គ្រឿងបុកគ្នារបួសរបួសធ្ងន់ ស្រាល២នាក់

ខេត្តព្រះសីហនុ៖ ម៉ោង១៣និង១៥នាទី ថ្ងៃទី១២ ខែកុម្ភៈ ឆ្នាំ២០១៩ មានគ្រោះថ្នាក់ចរាចរមួយ លើដងផ្លូវជាតិលេខ៤ ចន្លោះគីឡូម៉ែត្រលេខ១៧៩ លេខ១៨០ ត្រង់ចំណុចមុខក្លោងទ្វារចូលវត្តវាលមាស ភូមិវាសមាស ឃុំវាលរឹញ ស្រុកព្រៃនប់ ខេត្តព្រះសីហនុ រវាង ម៉ូតូ០១គ្រឿងម៉ាក វ៉េវ ពណ៌ក្រហម គ្មានស្លាកលេខ បើកបរដោយឈ្មោះ សួយ សាន្ត ភេទប្រុស អាយុ ៥៣ ឆ្នាំ មានទីលំនៅភូមិតានៃ ឃុំតានៃ ស្រុកព្រៃនប់ខេត្តព្រះសីហនុ មកដល់ចំណុចកើតហេតុខាងលើបានបុកពីក្រោយម៉ូតូ០១គ្រឿងទៀត ម៉ាក ហុងដា សេ១២៥ ពណ៌ខ្មៅ ពាក់ស្លាកលេខ ព្រះសីហនុ ១B ៥៨៥៤ អ្នកបើកបរឈ្មោះ ប្រាក់ កក់ ភេទប្រុសអាយុ៥៤ឆ្នាំ មុខរបររត់ម៉ូតូឌុប មានទីលំនៅភូមិត្រពាំងគា ឃុំជើងគោ ស្រុកព្រៃនប់ ខេត្តព្រះសីហនុ ខណៈដែលកំពុងឈប់លើចិញ្ចើមថ្នល់ បណ្តាលឲ្យ ឈ្មោះ ប្រាក់ កក់ ជាម្ចាស់ម៉ូតូ សេ១២៤ រងរបួសបាក់ជើង ត្រូវបានកម្លាំង កងរាជអវុធហត្ថ ស្រុកព្រៃនប់ ជួយសង្គ្រោះបញ្ជូនមកគ្លីនិកឯកជន លិ គិមឌី វាលរេញ។

ចំណែកឯឈ្មោះ សួយ សាន្ត រងរបួសស្រាល ៕ ឆ្លាម សមុទ្រ