សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ រថយន្តកុងតឺន័រសណ្តោងរ៉ឺម៉ក មួយគ្រឿងបើកក្នុងល្បឿនលឿន សង្ស័យងងុយដេកបានបើក ឡើងឃឿនពុះចែកទ្រូងផ្លូវហើយ ជ្រុលទៅបុលចូលផ្ទះប្រជាពលរដ្ឋ បណមតាលឲ្យរងការខូចខាតយ៉ាងដំណុំ ។
ហេតុការណ៍នេះ បានកើតឡើងកាលពីវេលា ម៉ោង២រំលងអធ្រាត្រ ឈានចូលថ្ងៃទី១ ខែមីនា ឆ្នាំ២០១៩ នៅចំណុចផ្ទះលេខ ១២៤ តាមបណ្តោយផ្លូវវេងស្រេង ភូមិដំណាក់ធំ៣ សង្កាត់ស្ទឹងមានជ័យទី៣ ខណ្ឌមានជ័យ ។
តាមសាក្សីនៅកន្លែងកើតហេតុ បានឲ្យដឹងថា មុនពេលកើតហេតុ គេបានឃើញ រថយន្តប្រភេទកុងតឺន័រ ពណ៌ខៀវ ពាក់ស្លាកលេខ ភ្នំពេញ 3A2721 បើកបរតាមបណ្តោយផ្លូវវេងស្រេង ក្នុងទិសដៅពីកើតទៅលិចក្នុងល្បឿនលឿន ខណៈមកដល់ចំណុចកើតហេតុ សង្ស័យងោកមួយភាំង ក៏រេចង្កូតឡើងឃឿនហើយបន្ត ទៅបុកផ្ទះប្រជាពលរដ្ឋថែមទៀតបណ្តាលឲ្យរងការខូចខាតយ៉ាង ដំណំ ។
ក្រោយពេលកើតហេតុតៃកុង រថយន្តបានចុះពីលើរថយន្តគេច ខ្លួនបាត់បន្សល់ទុករថយន្តនៅ កន្លែងកើតហេតុត្រូវបាន សមត្ថកិច្ចចុះមកដល់ចំណុចកើតហេតុទាក់ទងទៅដំណាងមក សម្រួលគ្នាតាមនីតិវិធី ៕ សុខាសែនជ័យ
