ស្រ្ដីម្នាក់ត្រូវរថយន្ដបុកស្លាប់យ៉ាងអាណោចអាធ័ម នៅស្រុកស្ទោង

ខេត្តកំពង់ធំ៖ គ្រោះថ្នាក់ចរាចរណ៍ រថយន្តបុកអ្នកថ្មើរជើងឆ្លងកាត់ផ្លូវ បណ្តាលឲ្យស្រ្ដីម្នាក់ស្លាប់ ។

ហេតុការណ៍នេះបានកើតឡើងកាលពីវេលាម៉ោង១៩និង១០នាទី ថ្ងៃពុធ ១៣កើត ខែចេត្រ ឆ្នាំកុរ ឯកស័ក ព.ស ២៥៦២ ត្រូវនឹងថ្ងៃទី១៧ ខែមេសា ឆ្នាំ២០១៩ លើកំណាត់ផ្លូវជាតិលេខ០៦ ភូមិត្រាច ឃុំកំពង់ចិនជើង ស្រុកស្ទោង ខេត្តកំពង់ធំ ។

សមត្ថកិច្ចបានឲ្យដឹងថា រថយន្តម៉ាកហ៊ីយ៉ាន់ដាយ ពណ៌ខៀវ ស្លាកលេខ សៀមរាប 3A.0906 ដឹកអ្នកដំណើរ (ទិសដៅពីត្បូងទៅជើង) អ្នកបើកបរមិនស្គាល់អត្តសញ្ញាណ (គេចខ្លួន)។

អ្នកថ្មើរជើងឆ្លងកាត់ (ពីកើតទៅលិច) ឈ្មោះ ហុន ខំ ភេទស្រី អាយុ៤០ឆ្នាំ នៅភូមិ ឃុំកើតហេតុខាងលើ (ស្លាប់នៅកន្លែងកើតហេតុ) មុខរបរកសិករ ។ មូលហេតុ អ្នកថ្មើរជើងឆ្លងកាត់ផ្លូវខ្ជីខ្ជារ ខ្វះការប្រុងប្រយ័ត្ន ។

ក្រោយកើតហេតុ សមត្ថកិច្ចចុះវាស់វែងធ្វើកំណត់ហេតុ ប្រមូលវត្ថុតាងរថយន្ត យកទៅរក្សាទុកនៅអធិការដ្ឋាននគរបាលស្រុកស្ទោង ។ ចំណែកសាកសព ប្រគល់ជូនក្រុមគ្រួសារចាត់ចែងធ្វើបុណ្យតាមប្រពៃណី ៕ ប៊ុនរិទ្ធី