បើកបរក្នុងស្ថានភាពងងុយដេក បណ្ដាលឲ្យរថយន្ដធ្លាក់ប្រឡាយក្រឡាប់ របួសស្រាល២នាក់

ខេត្តកំពង់ធំ៖ គ្រោះថ្នាក់ចរាចរណ៍ បើកឡានក្រឡាប់បង្កឡើងដោយខ្លួនឯង បណ្តាលឲ្យបុរស២នាក់រងរបួសស្រាល និងខូចខាតរថយន្ត០១គ្រឿង កាលពីវេលាម៉ោង០៣និង៣០នាទី រំលងអធ្រាត្រ ថ្ងៃទី១៧ ខែមេសា ឆ្នាំ២០១៩ លើផ្លូវជាតិលេខ៦ ចន្លោះគីឡូម៉ែត្រលេខ១៩៣-១៩៤ ភូមិសារី ឃុំសានគរ ស្រុកកំពង់ស្វាយ ខេត្តកំពង់ធំ ។

សមត្ថកិច្ចបានឲ្យដឹងថា រថយន្តម៉ាកToyota Prius ពណ៌ក្រហម ស្លាកលេខភ្នំពេញ2AM.2117 ទិសដៅភ្នំពេញសៀមរាប បើកបរដោយឈ្មោះ យិន សំណាង ភេទប្រុស អាយុ៤៨ឆ្នាំ មុខរបរ បើកបររថយន្ត នៅភូមិកំពង់ក្របី សង្កាត់ស្វាយប៉ោ ក្រុងបាត់ដំបង ខេត្តបាត់ដំបង របួសស្រាល នាំខ្លួនទៅអធិការដ្ឋាននគរបាលស្រុកកំពង់ស្វាយ ។ អ្នករួមដំណើរក្នុងរថយន្ត ឈ្មោះ XU.LEI ភេទប្រុស អាយុ៣៧ឆ្នាំ ជនជាតិចិន កាន់លិខិតឆ្លងដែនលេខ E49165555 របួសស្រាល បញ្ជូនទៅមន្ទីរពេទ្យខេត្តសៀមរាប ។

មូលហេតុ បង្កឡើងដោយអ្នកបើកបររថយន្ត បើកបរក្នុងស្ថានភាពងងុយយដេក ។

ក្រោយកើតហេតុសមត្ថកិច្ចបញ្ជូនជនរងគ្រោះទៅមន្ទីរពេទ្យ និងចុះវាស់វែងធ្វើកំណត់ហេតុ ប្រមូលវត្ថុតាងរថយន្តរក្សាទុកនៅអធិការដ្ឋាននគរបាលស្រុកកំពង់ស្វាយ ៕ ប៊ុនរិទ្ធី