សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ បុរសបានរថយន្ត ឡិចស៊ិស RX៣០០ ក្នុងស្ថានភាពស្រវឹង ព្រមទាំងល្បឿនលឿនផងនោះ បានរេចង្កូតជ្រុលទៅបុកនឹងក្បាលនាគ ពុះចែកផ្លូវបណ្តាលបាក់អស់មួយកង់ ព្រមទាំងធ្វើឲ្យរថយន្តរងការខូចខាតផងដែរ ។
ហេតុការណ៍នេះ ដែរបានកើតឡើងនៅវេលាម៉ោង១១និង៥០នាទីយប់ ថ្ងៃទី៦ ខែឧសភា ឆ្នាំ២០១៩ ទល់មុខស្ថានីយប្រេងឥន្ធនៈ តូតាល់ ផ្លូវមុនីវង្ស កែងផ្លូវ ៣១០ សង្កាត់បឹងកេងកង៣ ខណ្ឌចំការមន រាជធានីភ្នំពេញ ។
តាមប្រភព ពីបងប្អូនប្រជាពលរដ្ឋ បានឲ្យដឹងថា មុនពេលកើតហេតុ គេបានឃើញ បុរសម្នាក់ វ័យប្រហែលជាង៣០ឆ្នាំ មិនដឹងថាចេញពីផឹកស៊ីវិញ នៅទីណានោះ គឺបើករថយន្តម៉ាក់ ឡិចស៊ិស RX៣០០ពណ៌ខ្មៅ ពាក់ស្លាកលេខ ភ្នំពេញ 2Q 3622 បានបើក ធ្វើដំណើរតាមផ្លូវ មុនីវង្ស ក្នុងទិសដៅ ពីជើងទៅត្បូង ក្នុងល្បឿនលឿន ព្រមទាំងស្រវឹងផងនោះ ខណៈមកដល់ចំណុចកើតហេតុ ក៏ស្រាប់តែរេចង្កូតជ្រុលទៅបុកនិង ក្បាលនាគពុះចែកផ្លូវ បណ្តាលបាក់អស់ ១កង់ ព្រមទាំងធ្វើឲ្យរថយន្តរងការខូចខាត ខ្ទេចផ្នែកខាងមុខ និងបាក់រទិលខាងឆ្វេង តែមិនមានគ្រោះថ្នាក់ដល់អ្នកមនុស្ស ហើយភ្លាមៗនោះដែរ គេបានឃើញ អ្នកបើកបរ បានចុះពីលើរថយន្ត គេចេញទៅបាត់ ។
ក្រោយពេលកើតហេតុនៅសល់តែរថយន្តបង្ក ត្រូវសមត្ថកិច្ចជំនាញ បានចុះទៅស្ទូចយកទៅរក្សាទុកនៅការរិយាល័យចរាចរណ៍ជើងគោករាជធានីភ្នំពេញដើម្បីរង់ចាំដោះស្រាយ ៕ សុខាសែនជ័យ
