សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ បុរសម្នាក់បានចេញពីផ្ទះដើម្បីឆ្លុះកង្កែប ខណៈភ្លៀងមួយមេធំពីល្ងាច ស្រាប់តែប្រទះឃើញសាកសពធ្វើអត្តឃាតដោយចងកសម្លាប់ខ្លួន នៅលើដើមឈើស្រែប្រាំង ត្រឡប់មកផ្ទះវិញ លុះព្រឹកឡើងទើបទៅរាយការណ៍ប្រាប់សមត្ថកិច្ច ។
ហេតុការណ៍នេះ បានកើតឡើងកាលពីថ្ងៃទី៨ ខែមិថុនា ឆ្នាំ២០១៩ វេលាម៉ោង០៦និង៣០នាទី ចំណុចលើដើមឈើតាមវាលស្រែប្រាំង ស្ថិតក្នុងភូមិសំរោងជើងសង្កាត់សំរោង ខណ្ឌព្រែកព្នៅ រាជធានីភ្នំពេញ ។
យោងតាមការបំភ្លឺពីឈ្មោះ ឈ្មោះ ពៅឃឿន ភេទប្រុស អាយុ៣៥ឆ្នាំ ជនជាតិខ្មែរមុខរបរជាងដែក មានទីលំនៅភូមិសំរោងជើង សង្កាត់សំរោង ខណ្ឌព្រែកព្នៅ បានចេញពីផ្ទះ នៅម៉ោង០៨និង៣៥នាទី បានទៅវាលស្រែ ដើម្បីឆ្លុះកង្កែបនៅក្រោយភូមិ លុះដល់កន្លែងកើតហេតុស្រាប់តែប្រទះឃើញសាកសពចងកនៅលើដើមឈើ តាមវាលស្រែប្រាំង ឃើញដូចនោះ ឈ្មោះ ពៅ ឃឿន ក៏ត្រឡប់មកផ្ទះដើម្បីសម្រាក លុះព្រឹកថ្ងៃទី០៨ ខែមិថុនា ឆ្នាំ២០១៩ វេលាម៉ោង៦និង៣០នាទី ក៏បានមករាយការណ៍ប្រាប់សមត្ថកិច្ចនៅប៉ុស្តិ៍នគរបាលរដ្ឋបាលសំរោង ក្រោយពីទទួលបានព័ត៌មានភ្លាម កម្លាំងប៉ុស្តិ៍នគរបាលរដ្ឋបាលសំរោង ក៏បានចុះទៅដល់គោលដៅ និងបានរាយការណ៍មកផ្នែកជំនានិងចុះទៅពិនិត្យជាក់ស្តែងឃើញពិតប្រាកដមែន ។
ជនរងគ្រោះចងកសម្លាប់ខ្លួនមិន ត្រូវបានស្គាល់អត្តសញ្ញាណនោះទេ ភេទប្រុស អាយុប្រហែល៣០ឆ្នាំជាង មានសភាពហើមស្អុយ ពាក់អាវក្នុងយឺតពណ៌ស ពាក់អាវរងារ ពណ៌ប្រផេះស្លៀកខោខូវប៊យ ពណ៌ខ្មៅ ។ ស្លាកស្នាម ឬសម្ភារៈបន្សល់ទុក ៖ ស្បែកជើងម៉ាក Malo ពណ៌ខ្មៅ+ខៀវ ចំនួន ០១គូ, ភួយពណ៌ក្រហម (រូបផ្កា) ចំនួន ០១, ខ្សែគោ ពណ៌ខ្មៅចំនួន ១ខ្សែ ។
តាមការសន្និដ្ឋាន និងវាយតម្លៃបានឲ្យដឹងថា តាមការបំភ្លឺពីឈ្មោះ ពៅ ឃឿន និងការពិនិត្យរបស់កម្លាំងជំនាញនៃការិយាល័យបច្ចេកទេសវិទ្យាសាស្ត្រ និងលោកឧកញាវេជ្ជបណ្ឌិត នង សុវណ្ណរ័ត្ន គ្រូពេទ្យបច្ចេកទេសវិទ្យាសាស្ត្រកោសល្យវិច័យរាជធានីភ្នំពេញបញ្ជាក់ថា ជនរងគ្រោះពិតជាបានស្លាប់ដោយសារចងកធ្វើអត្តឃាតពិតប្រាកដមែន ។
បច្ចុប្បន្ន ដោយមានការអនុញ្ញាតពី លោក សេង គីមឡាក់ ព្រះរាជអាជ្ញារង នៃអយ្យការអមសាលាដំបូងរាជធានីភ្នំពេញអនុញ្ញាតឲ្យ ប្រគល់សពជូនទៅអាជ្ញាធរភូមិ សង្កាត់ ដើម្បីបូជាសពនៅដីវាល ស្ថិតក្នុងភូមិសំរោងជើង សង្កាត់សំរោង ខណ្ឌព្រែកព្នៅ ៕ ធឿនព្រែកជ័យ
