ប្រជាពលរដ្ឋប្រទះឃើញគ្រាប់បែក២គ្រាប់ សល់ពីសម័យសង្គ្រាម ក្នុងស្រុកស្វាយទាប

ខេត្តស្វាយរៀង៖ គ្រាប់បែកដែលសល់ពីសម័យសង្គ្រាម ចំនួន២គ្រាប់ ត្រូវបានប្រជាពលរដ្ឋប្រទះឃើញបង្កការភ្ញាក់ផ្អើល និងរាយការណ៍មកសមត្ថកិច្ច ជំនាញស៊ីម៉ាកមកអន្តេរាគមន៍ ។

ការប្រទះឃើញនេះ បានកើតឡើងកាលពីវេលាម៉ោង៥និង៤០នាទីល្ងាច ថ្ងៃទី១០ ខែមិថុនា ឆ្នាំ២០១៩ ស្ថិតក្នុងភូមិខ្នុរ ឃុំរមាំងថ្កោល ស្រុកស្វាយទាប ខេត្តស្វាយរៀង ។

យោងតាមសមត្ថកិច្ចនគរបាលស្រុកបានឲ្យដឹងថា បន្ទាប់ពីទទួលសេចក្ដីរាយការណ៍ ពីប្រជាពលរដ្ឋបានប្រទះឃើញគ្រាប់បែកចំនួន០២គ្រាប់ នៅជិតលំនៅដ្ឋានរបស់ពួកគាត់ ក្នុងភូមិខ្នុរ ឃុំរមាំងថ្កោល ស្រុកស្វាយទាប ខេត្តស្វាយរៀង សមត្ថកិច្ចបានសហការជាមួយមន្ត្រីជំនាញស៊ីម៉ាកចុះ និងដោះយកទៅទុកទីកន្លែងមានសុវត្ថិភាព ដល់សុវត្ថិភាពរបស់គាត់ផងដែរ ។

សមត្ថកិច្ចនគបាលស្រុកស្វាយទាបបានបញ្ជាក់ទៀតថា គ្រាប់បែកមួយគ្រាប់ ជាគ្រាប់បែកផ្លែតៀប ផលិតនៅប្រទេសសូវៀត ចំណែកគ្រាប់ទី២គឺជាកាំភ្លើងត្បាល់៨២មីលី្លម៉ែត្រ ក៏ប៉ុន្តែមិនទាន់ដឹងថា ផលិតនៅប្រទេសណានៅឡើយទេ ។

ប្រជាពលរដ្ឋ ក៏បានសំណូមពរសុំឲ្យមន្ត្រីស៊ីម៉ាក់ យកគ្រាប់ទាំងពីរនេះចេញដើម្បីសុវត្ថិភាពរបស់ប្រជាពលរដ្ឋក្នុងមូលដ្ឋានផងដែរ ៕ យឹម សុថាន