សារព័ត៌មាន នគរវត្ត តែងតែនាំមុខគេជានិច្ច
ខេត្តកំពង់ចាម៖ ថ្ងៃទី ៥ ខែ កក្កដា ឆ្នាំ២០១៩ នៅវេលាម៉ោង១៨.៣០នាទីនៅចំណុចបន្ទប់ជួលលេខ៨ ភូមិជ្រោយថ្ម សង្កាត់បឹងកុក ក្រុងកំពង់ចាម ខេត្តកំពង់ចាម កម្លាំងជំនាញការិយាល័យប្រឆាំងគ្រឿងញៀនខេត្តកំពង់ចាម បានសហការ ជាមួយកម្លាំងជំនាញអធិការដ្ឋាននគរបាលក្រុងកំពង់ចាម ដឹកនាំដោយលោកវរសេនីយ៍ទោ ជីវ សេងរស់ នាយការិយាល័យ បើកកិច្ចប្រតិបត្តិការបង្រ្កាបករណីជួញដូរដោយខុសច្បាប់នូវសារធាតុញៀន ដោយវិធានញុះញង់ឃាត់ខ្លួនជនសង្ស័យចំនួន០៩នាក់ ។
សមត្ថកិច្ចបញ្ជាក់ថា ជនសង្ស័យ៖ ១-ឈ្មោះ សន សារ៉ា ភេទប្រុស អាយុ៣៨ឆ្នាំ សញ្ជាតិខ្មែរ រស់នៅភូមិជ្រៀវ ឃុំតាលុង ស្រុកមេមត់ ខេត្តត្បូងឃ្មុំ ។ ២-ឈ្មោះ រៀម បញ្ញា ភេទប្រុស អាយុ១៨ឆ្នាំ ជាតិខ្មែរ រស់នៅភូមិកោះប្រាក់ ឃុំកោះប្រាក់ ស្រុកកំពង់សៀម ខេត្តកំពង់ចាម ។ ៣-ឈ្មោះស្រេង ប្រុសធំ ភេទប្រុស អាយុ២០ឆ្នាំ ជាតិខ្មែរ រស់នៅភូមិកោះប្រាក់ ឃុំកោះប្រាក់ ស្រុកកំពង់សៀម ខេត្តកំពង់ចាម ។ ៤-ឈ្មោះឌាន វិដាន ភេទប្រុស អាយុ៣៥ឆ្នាំ ជាតិខ្មែរនៅភូមិអំពិលលើ ឃុំអំពិល ស្រុកកំពង់សៀម ខេត្តកំពង់ចាម ។ ៥-ឈ្មោះរ៉ូន ណាស៊ីម អាយុ៣៥ឆ្នាំ សញ្ជាតិខ្មែរឥស្លាម រស់នៅភូមិរកាលើ សង្កាត់សំបួរមាស ក្រុងកំពង់ចាម ខេត្តកំពង់ចាម ។ ៦-ឈ្មោះ ហ៊ត គង់ ភេទប្រុស អាយុ៤១ឆ្នាំ នៅភូមិរកាលើ សង្កាត់សំបួរមាស ក្រុងកំពង់ចាម ខេត្តកំពង់ចាម ។ ៧-ឈ្មោះរស់ រ៉េត ភេទប្រុស អាយុ២៤ឆ្នាំ នៅភូមិកំពង់សំណាញ់ ឃុំមៀន ស្រុកព្រៃឈរ ខេត្តកំពង់ចាម ។ ៨-ឈ្មោះយាន ធិនចិន ភេទប្រុស អាយុ១៩ឆ្នាំ នៅភូមិកោះប្រាក់ ឃុំកោះប្រាក់ ស្រុកកំពង់សៀម ខេត្តកំពង់ចាម និង៩-សាន ផានិត ភេទប្រុស អាយុ២២ឆ្នាំ នៅភូមិអំពិលក្រោម ឃុំអំពិល ស្រុកកំពង់សៀម ខេត្តកំពង់ចាម ។
សមត្ថកិច្ច រឹបអូសវត្ថុតាងរួមមាន: ម្សៅក្រាមពណ៌សចំនួន១៩កញ្ចប់ (ធំ០៤កញ្ចាប់) ទូរស័ព្ទដៃចំនួន០៨គ្រឿង ម៉ូតូ០៤គ្រឿង និងសម្ភារវិចខ្ចប់ឧបករណ៍សេពមួយចំនួន ៕ សសម
