សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ក្មេងទំនើងចំនួន២ក្រុម មានគ្នាបួននាក់ ត្រូវបាននគរបាលឃាត់ខ្លួនបន្ទាប់ពីពួកគេបានដេញវាយគ្នាតាមផ្លូវសាធារណៈ យ៉ាងអនាធិបតេយ្យកាលពីវេលាម៉ោង ២៣ និង៣០នាទី ថ្ងៃទី១៨ សីហា ឆ្នាំ២០១៩ ចំណុចតាមបណ្តោយផ្លូវ ចោមចៅ ភូមិជ្រៃកោង សង្កាត់ចោមចៅទី២ ខណ្ឌពោធិ៍សែនជ័យ ។
ភាគីទីមួយ៖ ១ ឈ្មោះ ខេង ឈីវ ភេទប្រុស អាយុ២១ឆ្នាំ មុខរបរកម្មករ រោងចក្រ ស្នាក់នៅបន្ទប់ជួល ភូមិអង្គ សង្កាត់ចោមចៅទី៣ ខណ្ឌពោធិ៍សែនជ័យ ។ ២ឈ្មោះ ផុន ម៉ៅ ភេទប្រុសអាយុ២០ឆ្នាំ មុខរបរកម្មកររោងចក្រ ស្នាក់នៅបន្ទប់ជួល ភូមិអង្គ សង្កាត់ចោមចៅទី៣ ខណ្ឌពោធិ៍សែនជ័យ ។ វត្ថុតាងដកហូត៖ ខ្សែក្រវាត់ចំនួន២ និងម៉ូតូ១គ្រឿង ម៉ាកហុងដា សេ ១២៥ ស៊េរី០១០ ស្លាកលេខPP 1AP-6315 របស់ ខេង ឈីវ ។
ភាគីទីពីរ ៖ ១ ឈ្មោះ ចែម យី ភេទប្រុស អាយុ២៣ឆ្នាំ មុខរបរជាងធ្វើតុទូ ស្នាក់នៅឃ្លាំងភូមិថ្មគោល២ សង្កាត់ចោមចៅទី២ ខណ្ឌពោធិ៍សែនជ័យ ។ (មានសារធាតុញៀន) ទី២ឈ្មោះ អឿត អៀត ភេទប្រុសអាយុ២៥ឆ្នាំ មុខរបរជាងធ្វើតុទូ ស្នាក់នៅឃ្លាំងភូមិថ្មគោល២ សង្កាត់ចោមចៅទី២ ខណ្ឌពោធិ៍សែនជ័យ (មានសារធាតុញៀន)។ វត្ថុតាងដកហូត៖ម៉ូតូមួយគ្រឿងម៉ាក ហុងដា MSX ពណ៌ខ្មៅ ស្លាកលេខ PP 1GS-2028 ជារបស់ឈ្មោះ ចែម យី ។
តាមសមត្ថកិច្ចបានឲ្យដឹងថា មុនពេលកើតហេតុកម្លាំងកំពុងល្បាតពួនស្ទាក់ក្នុងមូលដ្ឋានស្រាប់តែឃើញក្រុមក្មេងទំនើងខាងលើ ជិះម៉ូតូដេញវាយគ្នាតាមដងផ្លូវយ៉ាងអនាធិបតេយ្យ ភ្លាមនោះកម្លាំងដេញឃាត់បានភ្លាមៗតែម្តង ។
បច្ចុប្បន្នជនសង្ស័យបានបញ្ជូនមកកាន់ ផ្នែកជំនាញនៃអធិការដ្ឋាន នគរបាលខណ្ឌពោធិ៍សែនជ័យ ដើម្បីសួរនាំ និងឃុំខ្លួនជាបណ្តោះអាសន្ន ៕ សុខាសែនជ័យ
