សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ជនសង្ស័យម្នាក់បានធ្វើសកម្មភាពលួចម៉ូតូរបស់នគរបាលប៉ុស្តិ៍រដ្ឋបាលចោមចៅទី២ ខណ្ឌពោធិសែនជ័យ តែមិនបានសម្រេច ត្រូវបាននគរបាលឃាត់ជាប់វិញ ខណៈកម្លាំងកំពុងឈរយាមក្បូនថ្នាក់ដឹកនាំ នៅចំណុចសួនកុមារ លើមហាវិថីសហព័ន្ធរុស្ស៊ី ស្ថិតក្នុងភូមិតាងួន សង្កាត់កាកាបទី១ ខណ្ឌពោធិ៍សែនជ័យ កាលពីថ្ងៃទី២ ខែកញ្ញា ឆ្នាំ២០១៩។
ជនសង្ស័យមាន ឈ្មោះ ម៉ាត ភារ៉ា ភេទប្រុស អាយុ៣៨ឆ្នាំ មុនរបមិនពិតប្រាកដ ។
តាមសាក្សីបានឲ្យដឹងថា មុនពេលកើតហេតុកម្លាំងនគរបាលខណ្ឌពោធិ៍សែនជ័យបានដាក់កម្លាំងការពារក្បូនថ្នាក់ដឹកនាំ ដោយកម្លាំងប៉ុស្តិ៍នគរបាលចោមចៅទី២ បានឈរយាមនៅចំណុចសួនកុមារ ហើយបានទុកម៉ូតូម៉ាកPCX ពណ៌ ពាក់ស្លាកលេខ នគរបាល 1-9889 ក្បែរខ្លួន ខណៈនោះស្រាប់តែមានជនសង្ស័យម្នាក់បានដើរថ្មើជើងហើយសុំលុយនគរបាលផឹកកាហ្វេ រួចក៏សួរថាម៉ូតូនោះរបស់នរណា ? ភ្លាមនោះនគរបាលប្រាប់ថា ម៉ូតូរបស់ប៉ូលីស ។
ក្រោយមក ខណៈកម្លាំងកំពុងយាមក្បូនភ្លេចខ្លួនស្រាប់តែជនសង្ស័យលួចអូសចេញទៅ តែដោយសារពូរត់កង់បីឃើញទាន់ក៏ស្រែកឆោឡោឡើងចាប់ជាប់ភ្លាមៗតែម្តង ។
ក្រោយឃាត់ខ្លួនជនសង្ស័យត្រូវបាននាំខ្លួនទៅនគរបាលប៉ុស្តិ៍រដ្ឋបាលកាកាបទី១ដើម្បីកសាងសំណុំរឿងបញ្ជូនទៅអធិការនគរបាលខណ្ឌចាត់ការតាមច្បាប់៕ សុខាសែនជ័យ
