សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ជនសង្ស័យ២នាក់ម្នាក់ជាជាងដែក និងម្នាក់ទៀតជាង អ្នកបេីកបររថយន្ត បានរួមគំនិតគ្នា លួចដោះគ្រឿងរថយន្ត របស់ឃ្លាំង ដឹកទំនិញ (គាធី) ដែលជាកន្លែងជនសង្ស័យទាំង២នាក់កំពុងធ្វើការរាល់ថ្ងៃអស់ជា ច្រើនលេីកមកហេីយ ទេីបតែមេការឃ្លាំង តាមទាន់ឃាត់បានម្នាក់ រត់រួចម្នាក់ កាលពីវេលាម៉ោង ១៩និង៤៥នាទី ថ្ងៃទី ០៦ កញ្ញា ២០១៩ ចំណុចឃ្លាំង គាធី ភូមិត្រពាំងថ្លឹង៣ សង្កាត់ចោមចៅទី១ ខណ្ឌពោធិ៍សែនជ័យ។
ជនសង្ស័យទី១មានឈ្មោះ លាន ស៊ីដេត ភេទប្រុសអាយុ៣៣ឆ្នាំ មុខរបរព្រូរថយន្ត ស្នាក់នៅឃ្លាំងកេីតហេតុ ភូមិត្រពាំងថ្លឹង៣ សង្កាត់ចោមចៅទី១ ខណ្ឌពោធិ៍សែនជ័យ (ឃាត់ខ្លួន)។
ទី២មានឈ្មោះ ប៉ោង ហៅ ឃ្លោក ភេទប្រុសអាយុ ២៩ឆ្នាំ មុខរបរ បេីកបរ ស្នាក់នៅឃ្លាំងកេីតហេតុ ភូមិត្រពាំងថ្លឹង៣ សង្កាត់ចោមចៅទី១ ខណ្ឌពោធិ៍សែនជ័យ(រត់គេចខ្លួន)។
ដោយឡែកដេីមបណ្តឹង ជនរងគ្រោះឈ្មោះ ឆេង អ៉ី ភេទប្រុសអាយុ៣៥ឆ្នាំ មុខរបរ មេការ ស្នាក់នៅ ស្នាក់នៅឃ្លាំងកេីតហេតុ ភូមិត្រពាំងថ្លឹង៤ សង្កាត់ចោមចៅទី១ ខណ្ឌពោធិ៍សែនជ័យ។
តាមសម្តីមេការឃ្លាំងបានអោយដឹងថា មុនពេលឃាត់ខ្លួនជនសង្ស័យខាងលេី គឺកន្លងមកធ្លាបលមាន ករណីបាត់ កង់និងគ្រឿងរថយន្ត ជាញឹកញាប់ ទេីបខាងថៅកែ អោយមេការអស់អស់ ដាក់វេនគ្នាល្បាត លុះដល់ ម៉ោងកេីតហេតុខាងលេី មេការឈ្មោះ កែវរដ្ឋា ក៏ស្រាប់តែឃើញជនសង្ស័យ ទាំង២នាក់កំពុងធ្វើសកម្មភាពដោះកង់រថយន្ត នៅក្បែររបងដែលជាកន្លែងងងឹត ស្ងាត់មិនហ៊ានចូល ម្នាក់ឯង បានតេហៅ មេការឈ្មោះ ប៉ាក ចំរើន ក្រោយមកមេការ ទាំង២នាក់បានចូលទៅកន្លែងកេីតហេតុ រួចស្រែកថាចោៗ ក៏ឃើញជនសង្ស័យទាំង២នាក់រត់ចេញ ឃាត់បានម្នាក់ឈ្មោះ លាន ស៊ីដេត រីឯឈ្មោះ ប៉ោងរត់គេចបាត់ ។
ក្រោយពីមេការឃាត់បានប្រគល់អោយសមត្ថកិច្ចប៉ុស្តិ៍ ចោមចៅទី១ ឆែកឆេររកឃេីញ ក្រាមសថ្លាចំនួន ១កញ្ចប់ធំល្មម និង៤កញ្ចប់តូច(សរុប៥កញ្ចប់) សោរដោះកង់រថយន្តមួួយឈុត .និងទូរស័ព្ទ Oppo ពណ៌ក្រហមបិតពណ៌ទឹកមាស ។
បច្ចុប្បន្នជនសង្ស័យ បានបញ្ចូនទៅកាន់ ផ្នែកជំនាញនៃអធិការដ្ឋាននគរបាលខណ្ឌពោធិ៍សែនជ័យដើម្បីសួរនាំបន្តតាមនិតិវិធី៕ សុខាសែនជ័យ
