បុរសម្នាក់ត្រូវបានកម្លាំងអធិការដ្ឋាននគរបាលស្រុកសាលាក្រៅឃាត់ខ្លួន

ខេត្តប៉ៃលិន៖ កាលពីវេលាម៉ោង​ ១៣:០០ នាទី ថ្ងៃចន្ទ ១១ កើត ខែ​ ភទ្របទ​ ឆ្នាំកុរ​ ឯកស័ក​ ព.ស​ ២៥៦២៣ ត្រូវនឹងថ្ងៃទី០៩ ខែកញ្ញា ឆ្នាំ២០១៩ កម្លាំងជំនាញនៃអធិការដ្ឋាននគរបាលស្រុកសាលាក្រៅ បានទទួលពាក្យបណ្ដឹងពីជនរងគ្រោះ ឈ្មោះ ទិត្យ សង្ហារ ភេទប្រុស អាយុ ៣២ ឆ្នាំ មុខរបរ កសិករ រស់នៅភូមិ ស្រែអន្ទាក់ ឃុំសាលាក្រៅ ស្រុកសាលាក្រៅ ខេត្តប៉ៃលិន អំពីករណីហិង្សាដោយចេតនា កើតឡើងនៅវេលាម៉ោង០៩:០០នាទី យប់ ថ្ងៃទី ០៨ ខែកញ្ញា ឆ្នាំ២០១៩ នៅចំណុចភូមិឃុំខាងលើ ។

ជនសង្ស័យឈ្មោះ សុខ វិឆៃ ភេទប្រុស អាយុ ៣១ឆ្នាំ មុខរបរ កសិករ រស់នៅភូមិភូមិឃុំជាមួយគ្នា ។ មូលហេតុ: ទំនាសពាក្យសម្ដី ក្រោយពីទទួលពាក្យបណ្ដឹង កម្លាំងជំនាញ បាន កោះហៅជនសង្ស័យខាងលើមកសួរនាំនៅអធិការដ្ឋាននគរបាលស្រុកសាលាក្រៅ ។

ក្រោយពីបានសួរនាំរួច ឃើញថា ជនខាងលើពិតជាបានប្រព្រឹត្តបទល្មើពិតប្រាកដមែន ។

បច្ចុប្បន្ន ជនសង្ស័យត្រូវបានឃាត់ខ្លួននៅអធិការដ្ឋាននគរបាលស្រុកសាលាក្រៅ ដើម្បីកសាងសំណុំរឿងចាត់ការតាមនីតិវិធី ៕ ស សារ៉េត