សារព័ត៌មាន នគរវត្ត តែងតែនាំមុខគេជានិច្ច
ខេត្តស្វាយរៀង៖ លោកស្រី កែវបូរី វង្សពិសេន អមដំណើរដោយលោកស្រី ទៀង ថៃ បានអញ្ជើញជាអធិបតីក្នុងពិធីជួបសំណេះសំណាលជាមួយយោធិន និងជនពិការចាស់ជរាកាលពីព្រឹកថ្ងៃទី១២ ខែតុលា ឆ្នាំ២០១៩ ក្នុងភូមិទទារ សង្កាត់ចេក ក្រុងស្វាយរៀង ។
ក្នុងឪកាសនោះ ក៏មានការអញ្ជើញចូលរួមពីលោកស្រី តុប សារ៉ន អនុប្រធានយេនឌ័រ នៃក្រសួងការពារជាតិ លោកស្រី សុខ ម៉ាយ៉េត លោកស្រី វ៉ាន លុយ លោកស្រីអភិបាលរង ក្រុងស្វាយរៀង យោធិន ជនពិការ ចាស់ជរា ប្រមាណ២១៨នាក់ ។
លោកស្រី ទៀង ថៃ បានធ្វើការផ្ដាំផ្ញើសាកសួរសុខទុក្ខពីសំណាក់សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃកម្ពុជា និងជាប្រធានគណបក្សប្រជាជនកម្ពុជា និងសម្ដេចគតិព្រិទ្ធបណ្ឌិតប៊ុន រ៉ានីហ៊ុនសែន ប្រធានកាកបាទក្រហមកម្ពុជា ដែលតែងតែនឹករលឹកគិតគូរលើជីវភាព និងសុខទុក្ខរបស់បងប្អូនពូមីងយោធិនជនពិការ និងជនចាស់ជរាកដូចជាប្រជាពលរដ្ឋទូទាំងប្រទេសផងដែរ ។
លោកស្រីបន្តថា សម្តេចតេជោ ហ៊ុន សែន ដែលបច្ចុប្បន្នបានកំពុងយកចិត្តទុកដាក់ជាប្រចាំទាំងបងប្អូនយុទ្ធជនយោធិនពិការ និងអតីតយុទ្ធជនប្រជាពលរដ្ឋគ្រប់ស្រទាប់វណ្ណៈដោយមិនមានការរើសអើងគោលនយោបាលនោះឡើយហើយ សុខទុក្ខបងប្អូនយោធិនពិការទោះជារស់ក្នុងសភាពណាក៏រាជរដ្ឋាភិបាលនៅតែតាមមើលថែជានិច្ច និងសុំឲ្យបងប្អូនគាំទ្រជាបន្តទៅទៀតដើម្បីលើកស្ទួយរាជរដ្ឋាភិបាល បច្ចុប្បន្នឲ្យមានតម្លៃលើគោលនយោបាយឈ្នះឈ្នះដែលរាជរដ្ឋាភិបាលបានដាក់ឲ្យគឺ ភូមិ-ឃុំមានសុវត្ថិភាព ។
លោកស្រីបន្តថា សមិទ្ធផល និងការខិតខំ ប្រឹងប្រែងរបស់ថ្នាក់នាំគណបក្សប្រជាជនកម្ពុជា ដែលបានតស៊ូប្រឹងប្រែងធ្វើពលីកម្មគ្រប់បែបយ៉ាងក្នុងការរំដោះប្រទេសជាតិ និងប្រជាជនចេញពីរបបប្រល័យពូជសាសន៍ ប៉ុលពត នាំមកនូវសន្តិភាព និងធ្វើការអភិវឌ្ឍប្រទេសជាតិពីគំនរផេះផង់ ពីចំណុចសូន្យរហូតដល់មានអ្វីៗដូចសព្វថ្ងៃ ។
នាក្នុងឪកាសនោះដែរលោកស្រីកែវបូរី វង្សពិសេនក៏បានផ្ដាំផ្ញើដល់បងប្អូនប្រជារកសិករដែលប្រកបមុខរបរកសិកម្មត្រូវមានការប្រុងប្រយត្ន័ខ្ពស់ព្រោះពេលមានភ្លៀងខ្យល់ និងរន្ទះសូមរត់ទៅរកជ្រកទីទួលកន្លែងមានសុវត្ថិភាព និងត្រូវបិទទូរទស្សន៍ ទូរសព្ទ័ ព្រោះវាងាយស្រួលអាចស្រូបយករន្ទះកើតជាយថហេតុផ្សេងៗ និងសូមចូលរួមគោរពច្បាប់ចរាចរណ៍ទាំងអស់គ្នា និងត្រូវចេះថែរក្សាសុខភាពថែរក្សាអនាម័យក្នុងការរស់នៅដូចជា រស់នៅស្អាត ហូបស្អាតផងដែរ ។
លោកស្រីក៏បានអំពាវនាវដល់អាជ្ញាធរ ប្រជាពលរដ្ឋទាំងអស់គ្នា ត្រូវរួមគ្នាហូបអំបុកទាំងអស់គ្នា នៅថ្ងៃទី៩ ខែវិច្ឆិកា ឆ្នាំ២០១៩ និងចូលរួមឲ្យបានច្រើនកុះករក្នុងព្រះរាជពិធីបុណ្យអុំទូក អកអំបុក និងសំពះព្រះខែ ដែលឈានមកដល់នាពេលខាងមុខនេះ ៕ យឹម សុថាន
