សារព័ត៌មាន នគរវត្ត តែងតែនាំមុខគេជានិច្ច
ខេត្តព្រះសីហនុ៖ អធិការនគរបាលស្រុកលោកវរសេនីយ៍ទោហួ យ៉ៃឲ្យដឹងថា ថ្ងៃទី១៣ ខែតុលា ឆ្នាំ២០១៩ វេលាម៉ោង១១និង១៥នាទីព្រឹក កម្លាំងជំនាញអធិការដ្ឋាននគរបាលស្រុកព្រៃនប់ បានចុះបង្ក្រាបករណីគ្រឿងញៀន ក្នុងភូមិទួលទទឹង៣ ឃុំទួលទទឹង ស្រុកព្រៃនប់ ខេត្តព្រះសីហនុ ។
ការចុះបង្ក្រាបនេះ សមត្ថកិច្ចបានឃាត់ខ្លួនជនសង្ស័យម្នាក់ឈ្មោះ ជៅ ឃន ភេទប្រុស អាយុ៣០ឆ្នាំ មានទីលំនៅភូមិភ្នំដំរី ឃុំដំណាក់កន្ទួតខាងជើង ស្រុកកំពង់ត្រាច ខេត្តកំពត មុខរបរជាងដែក ។
សមត្ថកិច្ចដកហូត វត្ថុតាងរួមមាន ថ្នាំម្សៅសារធាតុញៀនចំនួន០៩កញ្ចប់(០៣កញ្ចប់ធំ ០៦កញ្ចប់តូច) និងទូរស័ព្ទដៃចំនួន ២គ្រឿង ។
បច្ចុប្បន្នសមត្ថកិច្ចកំពុងកសាងសំណុំរឿងបញ្ជូនទៅសាលាដំបូងខេត្តដើម្បីចាត់ការតាមច្បាប់ ៕ ឆ្លាម សមុទ្រ
