សារព័ត៌មាន នគរវត្ត តែងតែនាំមុខគេជានិច្ច
ខេត្តព្រះសីហនុ៖ យុវជនម្នាក់បានយកភ្លើងដុតផ្ទះឪពុកខ្លួនឯងចោល កាលពីម៉ោង៧និង៣០នាទី ព្រឹកថ្ងៃទី ២៣ ខែតុលា ឆ្នាំ ២០១៩ នៅចំណុចភូមិ បត់គគីរ ឃុំអូរឧកញ៉ាហេង ស្រុកព្រៃនប់ខេត្តព្រះសីហនុ។
លោកវរសេនីយ៍ទោហួ យ៉ៃអធិការនគរបាលស្រុកព្រៃនប់បានប្រាប់អោយដឹងថា យុវជនបង្កហេតុឈ្មោះធៀម ធារ៉ា ហៅ អួង ភេទប្រុសអាយុ២២ឆ្នាំ មុខរបរមិនពិតប្រាកដ បានដុតផ្ទះឪពុកខ្លួនឯង ឈ្មោះ ធៀម វី អាយុ ៥០ឆ្នាំ មុខរបរ កសិករ មានទីលំនៅខាងលើ មូលហេតុបឋមថាបណ្តាលមកពីយុវជនរូបនេះ មើលទៅទំនងជាមានសតិមិនសូវល្អនិងខឹងរករឿងឪពុក ។
ផ្ទះនេះធ្វើពីឈើប្រកសង័្កសីទំហំ៥,៥០ម គុណ ៦ម៉ែត្រ ឆេះខូចខាតអស់ទាំងស្រុង និងខូចខាតទ្រព្យសម្បត្តិក្នុងផ្ទះ គិតជាទឹកប្រាក់អស់ប្រហែលចំនួន ៣ ៥០០ ដុល្លារ និងលុយត្រៀមទុកធ្វើផ្ទះថ្មី ក៏ឆេះអស់ទាំងស្រុងដែរចំនួនន១២.០០០ដុល្លាទៀត។
បើតាមលោកអធិការបញ្ជាក់ថា យុវជនបង្កហេតុ នគរបាលបានឃាត់ខ្លួន ហើយនាំយកទៅអនុវត្តន៍តាមច្បាប់ ៕ឆ្លាម សមុទ្រ
