សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ រថយន្តBMWបេីកបុកជាមួយរថយន្តRANGE ROVERបណ្តាលឲ្យរងការខូចខាតទាំងសងខាង សំណាងមិនមានមនុស្សរងរបួស។
ហេតុការណ៍នេះបានកេីតឡេីងកាលពីវេលាម៉ោង១១និង២០នាទីយប់ថ្ងៃទី២៣ ខែតុលាឆ្នាំ២០១៩ នៅចំណុចខាងលិចវត្តមហាមន្ត្រី តាមបណ្តោយផ្លូវលេខ២៨៤ កែងផ្លូវលេខ១៩៣ ស្ថិតក្នុងសង្កាត់អូរឡាំពិច ខណ្ឌបឹងកេងកង រាជធានីភ្នំពេញ ។
តាមសាក្សីនៅកន្លែងកេីតហេតុបានឲ្យដឹងថា មុនពេលកេីតហេតុគេបានឃេីញរថយន្តម៉ាកBMW ពណ៍ទឹកប្រាក់ ពាក់ស្លាកលេខ ភ្នំពេញ2AB 3288 ធ្វេីដំណេីរតាមបណ្តោយផ្លូវលេខ១៩៣ ក្នុងទិសដៅពីលិចទៅកេីត ខណៈមកដល់ចំណុចផ្លូវបំបែកស្រាប់តែជ្រុលបុករថយន្តម៉ាកRANGE ROVER ពណ៌ខ្មៅ ពាក់ស្លាកលេខ ភ្នំពេញ 2BG 9888 ធ្វេីដំណេីរតាមបណ្តោយផ្លូវលេខ២៨៤ ក្នុងទិសដៅពីជេីងទៅត្បូង ពីចំហៀងផ្នែកខាងស្តាំខាងក្រោយពេញទំហឹងបណ្តាលឲ្យរងការខូចខាតទាំងសងខាង ។
ក្រោយកេីតហេតុភាគីទាំងសងខាងបានសម្របស្រួលគ្នាដោយយកទៅធ្វេីរៀងខ្លួនដេីម្បីបញ្ចប់រឿងនៅកន្លែងកេីតហេតុ៕ សុខាសែនជ័យ
