សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ កម្លាំងអន្តរាគមន៍នៃអធិការដ្ឋាននគរបាលខណ្ឌដង្កោ ដឹកនាំផ្ទាល់ដោយលោកវរសេនីយ៍ឯក ជឹម ស៊ីថា អធិការនគរបាលខណ្ឌដង្កោ បានចុះល្បាតក្នុងភូមិសាស្ដ្រខណ្ឌដង្កោ នៅវេលាម៉ោង១២ និង១០នាទីថ្ងៃត្រង់ ថ្ងៃទី១៥ ខែវិច្ឆិកា ឆ្នាំ ២០១៩នេះ បានប្រទះឃើញរថយន្ដមួយគ្រឿងម៉ាក CHEVROLET MALIBO ស៊េរី ឆ្នាំ២០១៧ ពាក់ស្លាកលេខ ភ្នំពេញ 2AU-3236 យកមកប្លុងចោល នៅភូមិស្រែញ សង្កាត់ពងទឹក ខណ្ឌដង្កោ រាជធានីភ្នំពេញ ។
យោងតាមប្រភពព័ត៌មានពីប្រជាពលរដ្ឋបានឲ្យដឹងថា នៅប្រហែលវេលាម៉ោង២រំលងអាធ្រាត្រ គាត់បានឃើញជនជាតិចិន ២-៣នាក់បានជិះរថយន្ដខាងលើ មកឈប់នៅចំណុចខាងលើនេះ ហើយក៏ដើរចេញទៅបាត់រហូតដល់ភ្លឺក៏មិនឃើញមកវិញ ទើបមានកម្លាំងនគរបាលខណ្ឌដង្កោ ចុះល្បាតឃើញបែបនេះក៏ចាត់ចែងតាមជំនាញរបស់គាត់ ។
បច្ចុប្បន្ននេះ កម្លាំងសមត្ថកិច្ចបានស្ទូចយករថយន្តខាងលើទៅរក្សាទុកនៅអធិការដ្ឋាននគរបាលខណ្ឌដង្កោ រង់ចាំម្ចាស់ដើមមកទទួលយកទៅវិញ៕ ភារ៉ា ដង្កោ
