សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ស្ត្រីម្នាក់បានរត់មកសុំការអន្តរាគមន៍ពីអាជ្ញាធរសង្កាត់ចោមចៅទី៣ ខណ្ឌពោធិ៍សែនជ័យ កាលពីរសៀលថ្ងៃទី១៩ ខែវិច្ឆិកា ឆ្នាំ២០១៩ បន្ទាប់ពីរូបគាត់២នាក់ម្តាយកូនចូលទៅធ្វេីអ្នកបម្រេីក្នុងដេប៉ូលក់គ្រឿងសំណង់មួយកន្លែង ដែលមានយីហោលឹម លីនី ទីតាំងនៅភូមិព្រៃទា១ សង្កាត់ចោមចៅទី៣ ខណ្ឌពោធិ៍សែនជ័យ រាជធានីភ្នំពេញ ។
ស្ត្រីខាងលេីមានឈ្មោះ សួន សុកន អាយុ៣៩ឆ្នាំ ស្នាក់នៅបន្ទប់ជួល ភូមិព្រៃទាទី១ សង្កាត់ចោមចៅទី៣ មានកូនស្រីឈ្មោះហែន រដ្ឋា អាយុ១៨ឆ្នាំ និងកូនប្រុសតូចៗទៀតក្នុងបន្ទុកគ្រួសារ ។
តាមការរៀបរាប់ពីស្ត្រីខាងលេីទាំងអួលដេីមកថា ដោយសារតែជីវភាពក្រីក្រ នៅថ្ងៃទី១៩ ខែតុលា ឆ្នាំ២០១៩ រូបគាត់ និងកូនស្រីបានមកធ្វេីការក្នុងដេប៉ូលក់គ្រឿងសំណង់យីហោលឹម លីនី ដោយធ្វេីជាអ្នកបម្រេី ។
ស្ត្រីរងគ្រោះបានបន្តថា ជារៀងរាល់ថ្ងៃរូបគាត់ និងកូនធ្វេីការចូលម៉ោង០៧ព្រឹក ចេញម៉ោង៥ល្ងាច បាយទឹកខ្លួនឯង ក្នុងមួយខែរូបគាត់និងកូន ត្រូវបានថៅកែឲ្យប្រាក់ខែ៤០០ដុល្លារក្នុងមួយខែ ។
ស្ត្រីខាងលេីបានបន្តទៀតថា ខណៈដែលរូបគាត់ និងកូនស្រីធ្វេីការបានចំនួន២១ថ្ងៃ ស្រាប់តែជិតដល់ថ្ងៃព្រះរាជ្រពិធីបុណ្យអ៊ុំទូកពេលនោះថៅកែបានប្រាប់ថា ចាំឲ្យសម្រាកចំនួន៣ថ្ងៃ ។ តែផ្ទុយទៅវិញ ពេលព្រះរាជពិធីបុណ្យបានចូលមកដល់ បែរជាថៅកែមិនឲ្យឈប់សម្រាកដោយឲ្យធ្វេីការដដែល ហេីយបានប្រាប់ថា គាត់ជាថៅកែ ការឈប់មិនឈប់នៅលេីគាត់ ។
រហូតមកដល់ថ្ងៃទី១៩ ខែវិច្ឆិកា រូបគាត់បានធ្វេីដំណេីរមកសាលាសង្កាត់ចោមចៅទី៣ ដេីម្បីសុំឲ្យអាជ្ញាធរជួយដោះស្រាយដោយគាត់សុំតែប្រាក់ខែគាត់ទេ ៕ សុខាសែនជ័យ
