សារព័ត៌មាន នគរវត្ត តែងតែនាំមុខគេជានិច្ច
ខេត្តស្វាយរៀង៖ បុរសសង្ស័យម្នាក់ដែលគេស្គាល់ថាជាអ្នកជួញដូរគ្រឿងញៀន ដ៏សកម្មប្រចាំភូមិ និងនារីសង្ស័យម្នាក់ទៀត ត្រូវបានសមត្ថកិច្ចកម្លាំងការិយាល័យប្រឆាំងគ្រឿងញៀន សហការជាមួយកម្លាំងជំនាញស្រុកស្វាយទាប ចុះបង្ក្រាបករណីជួញដូរ និងប្រើប្រាស់គ្រឿងញៀន ជាក់ស្តែងកាលពីវេលាម៉ោង១២ថ្ងៃទី២៥ ខែវិច្ឆិកាឆ្នាំ២០១៩ នៅត្រង់ចំណុចភូមិ ក្បាលថ្នល់ ឃំុ កណ្តៀងរាយ ស្រុក ស្វាយទាប ខេត្តស្វាយរៀង ។
បើតាមសមត្ថកិច្ចនគរបាលស្រុកបានឱ្យដឹងថា ជនសង្ស័យមានឈ្មោះ គង់ វ៉ូន ភេទប្រុស អាយុ ៣៥ឆ្នាំ រស់នៅភូមិ ព្រៃតាញ៉យ ឃំុ ខ្សែត្រស្រុក កំពង់រោទ៍ ខេត្តស្វាយរៀង និងឈ្មោះ យ៉ន ស្រីមំុ ភេទស្រី អាយុ១៩ឆ្នាំ រស់នៅភួមិ ពោធិ៍ថ្មី ឃំុ ស្វាយតាយាន ស្រុក កំពង់រោទ៍ ខេត្តស្វាយរៀង ។
ប្រភពបន្តថា កម្លាំងសមត្ថកិច្ចនគរបាលជំនាញខេត្តស្វាយរៀងដឹកនាំដោយលោកវរសេនីយ៍ឯក កាន កេន ជានាយការិយាល័យសហការជាមួយកម្លាំងជំនាញស្រុកស្វាយទាបចុះបង្ក្រាបករណីជួញដូរនិងប្រើប្រាស់គ្រឿងញៀនជាក់ស្តែងបានឃាត់ជនសង្ស័យមនុស្សប្រុសស្រី២នាក់ រួមនឹងថ្នាំញៀន២កញ្ចប់ធំ ។
ប្រភពបន្តថា ចំណែកសម្ភារៈដែលសមត្ថកិច្ចដកហូតបានរួមមានម្សៅក្រាម ពណ៌ស ថ្លាចំនួន០២កញ្ចប់ធំ សង្ស័យគ្រឿងញៀន, ជញ្ជីងថ្លឹងគ្រឿងញៀន១គ្រឿង ផងដែរ ។
បច្ចប្បន្នជនសង្ស័យទាំង២នាក់ ត្រូវបានសមត្ថកិច្ចនគរបាលជំនាញកសាងសំណុំរឿងចាត់ការបន្តតាមច្បាប់ ៕ យឹម សុថាន
