សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ លោកស្រី ហេង សុខគង់ ជាម្ចាស់គណនីហ្វេសប៊ុកឈ្មោះ (Sok Kong)ត្ត្រូវជាភរិយារបស់លោកសុខ ពេញវុធ អភិបាលខណ្ឌដូនពេញ បានប្រកាសច្រានចោល និង បដិសេធទាំងស្រុងចំពោះ Account Facebook មួយដែលមានឈ្មោះថា «ព័ត៌មានពិត ពីកម្ពុជា» ដែលបានលួចយករូបថតរបស់លោកស្រី ទៅដាក់នៅលើ Profile គណនីរបស់ខ្លួន ដោយគ្មានការអនុញ្ញាត ហើយថែមទាំងបានបង្ហោះព័ត៌មានប្រជាភិថុតិ រូបភាពកាត់តខុសការពិត និងមាននិន្នាការគាំទ្រអតីតគណបក្សប្រឆាំង ។
លោកស្រី ហេង សុខគង់ ជាភរិយារបស់ លោក សុខ ពេញវុធ អភិបាល នៃគណៈអភិបាលខណ្ឌដូនពេញ កាលព្រលប់ថ្ងៃទី០៥ ខែធ្នូ ឆ្នាំ២០១៩នេះថាលោកស្រី បានប្រកាសបដិសេធយ៉ាងដាច់អហង្ការ មិនទទួលខុសត្រូវចំពោះសកម្មភាពការផុស ឬសរសេរខ្លឹមសារផ្សេងៗរបស់គណនីខាងលើនេះ ដែលធ្វើឲ្យមានការភ័ន្តច្រឡំជាមួយ និងអាខោនពិតរបស់លោកស្រី ជាពិសេសនោះធ្វើឲ្យប៉ះពាល់ដល់កិត្តិយស និងសេចក្ដីថ្លៃថ្នូររបស់ក្រុមគ្រួសារលោកស្រីតែម្ដង ។
ជាមួយគ្នានេះ លោកស្រី ក៏បានព្រមានថា ម្ចាស់ Account Facebook ដែលមានឈ្មោះថា «ព័ត៌មានពិត ពីកម្ពុជា» ត្រូវលុបរូបថតរបស់យើងខ្ញុំចេញពី Account Facebook នេះឲ្យអស់ជាបន្ទាន់ បើក្នុងករណី ម្ចាស់ Account facebook ខាងលើមិនលុបចេញនោះទេ យើងខ្ញុំ និងដាក់ពាក្យប្តឹងទៅស្ថាប័នមានសមត្ថកិច្ច ជាពិសេសក្រសួងមហាផ្ទៃ ដើម្បីពិនិត្យ ស្រាវជ្រាវ រកជនបង្កខាងលើមកទទួលខុសត្រូវចំពោះមុខច្បាប់ជាធរមាន៕ ស តារា
