សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ជនសង្ស័យ៣នាក់ជាមុខសញ្ញាឆក់ទ្រព្យសម្បត្តិពលរដ្ឋតាមផ្លូវត្រូវសមត្ថកិច្ចឃាត់ខ្លួនបន្ទាប់ពីជិះម៉ូតូធ្វេីសកម្មភាពឆក់តែមិនបានសម្រេច ។
ប្រតិបត្តិនេះបានធ្វេីឡេីងកាលពីវេលាម៉ោង៣និង៣០នាទីរសៀល
ថ្ងៃទី៦ ខែធ្នូ ឆ្នាំ២០១៩ នៅតាមផ្លូវបេតុង ភូមិកាកាប សង្កាត់កាកាប២ ខណ្ឌពោធិសែនជ័យ រាជធានីភ្នំពេញ។
សមត្ថកិច្ចបានបញ្ជាក់ថា ជនសង្ស័យទី១ ឈ្មោះ ជា រ៉ាវីត ភេទប្រុស អាយុ ១៧ឆ្នាំ មុខរបរមិនពិត មានទីលំនៅ ភូមិច្រេស សង្កាត់គោកឃ្លាង ខណ្ឌសែនសុខ រាជធានីភ្នំពេញ ។ ទី២ ឈ្មោះ លី ឧត្តម ភេទប្រុស អាយុ២២ឆ្នាំ មុខរបរ មិនពិត មានទីលំនៅ ភូមិច្រេស សង្កាត់គោកឃ្លាង
ខណ្ឌសែនសុខ រាជធានីភ្នំពេញ ទី៣មានឈ្មោះ ទី ភេទប្រុសអាយុប្រហែល១៧ឆ្នាំ មុខរបរជាងជួសជុលរថយន្តស្នាក់នៅមិនពិតប្រាកដ ។
មធ្យោបាយម៉ូតូ៣គ្រឿង ១ម៉ាកហុងដាឌ្រីមសង់ ស៊េរី២០២០ ពណ៌ខ្មៅ គ្មានស្លាកលេខ .២ ម៉ូតូម៉ាកហុងដា ស្កុបពី ស៊េរី ២០២០ ពណ៌ស ពាក់ស្លាកលេខ ភ្នំពេញ 1HW-9355 ។
ទី៣ ហុងដារឌ្រីមសង់ ២០១៨ ពណ៌ទឹកប្រាក់ ពាក់ស្លាកលេខ ភ្នំពេញ .2483 (គេចខ្លួន)។
សមត្ថកិច្ចបានឲ្យដឹងថា នៅថ្ងៃទី៦ ខែធ្នូ ឆ្នាំ២០១៨ វេលាម៉ោង១ និង០០នាទីកម្លាំងប៉ុស្តិ៍នគរបាលរដ្ឋបាលកាកាបទី២បានចេញល្បាតដើម្បី បង្ការកាទប់ស្កាត់បទល្មើសក្នុងមូលដ្ឋានដូចសព្វដង លុះពេលកំពុងល្បាតដល់ចំណុចផ្លូវបេតុង ស្ថិតក្នុងភូមិកាកាប សង្កាត់កាកាបទី២ ខណ្ឌពោធិ៍សែនជ័យ រាជធានីភ្នំពេញ វេលា
ម៉ោង១៥ និង៤០នាទី ស្រាប់តែជួបជាមួយជនសង្ស័យទាំងបីនាក់ខាងលើជាមុខសញ្ញាចាស់ដែលសមត្ថកិច្ចតាមដាន ជាយូរមកហេីយ ភ្លាមនោះជនសង្ស័យបានធ្វើសកម្មភាពឆក់កាបូបពីជនរងគ្រោះ ប៉ុន្តែមិនបានសម្រេចហើយត្រូវសមត្ថកិច្ច ប្រដេញចាប់បាននៅចំណុចវាលស្រែស្ថិតក្នុងភូមិតិប្បញ្ញោ សង្កាត់សំរោងក្រោម ខណ្ឌពោធិ៍
សែនជ័យ ទើបនាំមកប៉ុស្តិ៍នគរបាលរដ្ឋបាលកាកាបទី២ ដើម្បីសាកសួរតែម្តង។
ជនរងគ្រោះមាន ទី១ (ឆក់មិនបានសម្រេច មិនបានមកដាក់ពាក្យបណ្តឹង )។
ទី២ ឈ្មោះ ទិត្យ សារ៉ាន់ ភេទប្រុស អាយុ ៤០ឆ្នាំ មុខរបរ កម្មកររោងចក្រ មានទីលំនៅ ភូមិកាកាប សង្កាត់កាកាប២ ខណ្ឌពោធិ៍សែនជ័យ រាជធានីភ្នំពេញ ។
ទី៣ ឈ្មោះ ទឹម សុខឡា ភេទប្រុសអាយុ៣៩ឆ្នាំ មុខរបរគ្រូបង្រៀន មានទីលំនៅ ភូមិដីថ្មី សង្កាត់គោកឃ្លាង ខណ្ឌសែនសុខ រាជធានីភ្នំពេញ ។
ទី៤ឈ្មោះ ជ័រ សុភាព ភេទប្រុស អាយុ៤២ឆ្នាំ មុខរបរលក់ដូរ មានទីលំនៅភូមិ ដំណាក់ សង្កាត់គោកឃ្លាង ខណ្ឌសែនសុខ រាជធានីភ្នំពេញ ។
ទី៥ឈ្មោះ វី លីណា ភេទស្រី អាយុ៣១ឆ្នាំ មុខរបរ បុគ្គលិកក្រុមហ៊ុន មានទីលំនៅ ភូមិភ្លូផ្អែម សង្កាត់គោករកា ខណ្ឌព្រែកព្នៅ រាជធានីភ្នំពេញ ។
វត្ថុតាងដែលសមត្ថកិច្ចដកហូត មាន ម៉ូតូម៉ាកហុងដាឌ្រីម សង់ស៊េរី ២០២០ ពណ៌ខ្មៅគ្មានស្លាកលេខ .២ ម៉ូតូម៉ាកហុងដាស្កុបពី ស៊េរី២០២០ ពណ៌ស ពាក់ស្លាកលេខ ភ្នំពេញ 1HW-9355 ។
ទូរស័ព្ទដៃម៉ាក IPhone 7Plus ពណ៌ខ្មៅ។ លោហៈធាតុពណ៍លឿង (ខ្សែកមួយខ្សែ បន្តោងសឹង្ហ ខ្សែដៃ១ខ្សែ)។ លោហៈធាតុ(ចិញ្ចៀន១វង់)។
ចំណែកទ្រព្យសម្បត្តិដែលបាត់បង់រួមមាន ទូរស័ព្ទដៃម៉ាក Oppo F11 Pro ពណ៌ស, ទូរស័ព្ទដៃម៉ាក សាំសុង ជេ សេវេន, ទូរស័ព្ទដៃម៉ាក Oppo Y85, ប្រាក់ដុល្លា1450$ និងប្រាក់រៀលមួយចំនួន។
បច្ចុប្បន្នជនសង្ស័យ ត្រូវបានប្រគល់ឲ្យផ្នែកជំនាញនៃអធិការនគរបាលខណ្ឌពោធិ៍សែនជ័យ ដើម្បីអនុវត្តបន្តតាមនីតិវិធី ៕ សុខាសែនជ័យ
