សារព័ត៌មាន នគរវត្ត តែងតែនាំមុខគេជានិច្ច
ខេត្តស្វាយរៀង៖ បុរសម្នាក់បានរត់ប្រញាប់ប្រញាល រាយការណ៍មកសមត្ថកិច្ចមូលដ្ឋានភ្លាមៗ បន្ទាប់ពីទំនេរការងារឆ្លៀតទៅបូមបៀរខាងកើតផ្ទះ ចាប់ត្រី ស្រាប់តែប្រទះឃើញអាវុធវែងមួយដើម បង្កការភ្ញាក់ផ្អើលតែម្ដង ។
ហេតុការណ៍ប្រទះឃើញនេះ កាលពីវេលាម៉ោង១២និង៣០នាទី ថ្ងៃទី២៣ ខែធ្នូ ឆ្នាំ២០១៩ ក្នុងភូមិស្រះ ឃុំជ្រៃធំ ស្រុករមាសហែក ខេត្តស្វាយរៀង ។
បើតាមសមត្ថកិច្ចនគរបាលស្រុកបានឲ្យដឹងថា បុរសដែលប្រទះឃើញអាវុធមានឈ្មោះ យឹម ខុម អាយុ៣៨ឆ្នាំ មុខរបរកសិកររស់ក្នុងភូមិស្រះឃុំជ្រៃធំ ស្រុករមាសហែក ខេត្តស្វាយរៀង ។ ចំណែកអាវុធប្រទះឃើញម៉ាក AK ឆេកូ កាត់ស្វាយ01ដើម គ្មានបង់ គ្មានគ្រាប់ នៅបាតបៀរ លេខ16145569 ។
ប្រភពពីបុរសខាងលើបានឲ្យដឹងថា មុនប្រទះឃើញគាត់ក្រោយសម្រាកពីទំនេរការងារឆ្លៀត ទៅបូមបៀរខាងកើតផ្ទះចម្ងាយជិតមួយគីឡូម៉ែត្រ ប្រមាណជាច្រើនម៉ោង ទើបទឹករីង ស្រាប់តែប្រទះឃើញអាវុធទើបរាយការណ៍មកនគរបាលប៉ុស្តិ៍រដ្ឋបាលជ្រៃធំឲ្យទៅយកមករក្សានៅប៉ុស្តិ៍នគរបាលជ្រៃធំតែម្ដង ។
បច្ចប្បន្នបុរសខាងលើបានប្រគល់អាវុធឲ្យសមត្ថកិច្ចនគរបាលស្រុកផងដែរ ៕ យឹម សុថាន
