សារព័ត៌មាន នគរវត្ត តែងតែនាំមុខគេជានិច្ច
ខេត្តបាត់ដំបង៖ បុរសវ័យកណ្ដាលម្នាក់ផឹងស្រាស្រវឹងជោក ដើរទៅដេកលើផ្លូវរថភ្លើងត្រូវរថភ្លើងកិនស្លាប់នៅនឹងកន្លែង ។
បើតាមសមត្ថកិច្ចជំនាញនគរបាលក្រុងបានឲ្យដឹងថា ករណីគ្រោះចរាចរណ៍នេះបានកើតឡើងនៅវេលាម៉ោង ០៤:០០ នាទី ទៀបភ្លឺថ្ងៃទី០៦ ខែមករា ឆ្នាំ២០២០ នៅតាមបណ្តោយផ្លូវរថភ្លើង ស្ថិតក្នុងក្រុមទី០៨ ភូមិទួលតាឯក សង្កាត់ទួលតាឯក ក្រុងបាត់ដំបង ខេត្តបាត់ដំបង មានករណី រថភ្លើងកិនស្លាប់ មួយកើតឡើងបណ្តាលឲ្យស្លាប់ជនរងគ្រោះឈ្មោះ អ៊ុន សុគន្ធា ភេទប្រុស អាយុ ៣១ ឆ្នាំ មុខរបរ កាប់ជ្រូក មានទីលំនៅភូមិ/សង្កាត់កើតហេតុខាងលើ ។
សមត្ថកិច្ចបានបន្តថា ករណីនេះ ដោយមូលហេតុ: ស្រវឹងស្រាជោកជាំដើរដេកលើផ្លូវរថភ្លើង ត្រូវរថភ្លើងបើកកិនស្លាប់តែម្តង ។
បច្ចុប្បន្នសាកសពបុរសរងគ្រោះត្រូវបានសមត្ថកិច្ច និងអាជ្ញាធរបានប្រគល់ទៅឲ្យសាច់ញាតិយកទៅធ្វើបុណ្យតាមប្រពៃណី ៕ ស សារ៉េត
