សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ស្ត្រីម្នាក់រួមជាមួយម្តាយ និងប្អូនម្នាក់ទៀតជិះម៉ូកង់បីឥណ្ឌា ជិះពីក្រោយវាំង ម្តុំផ្សារកណ្តាល ត្រូវបានជនសង្ស័យចំនួន២នាក់ ជិះម៉ូតូតាមធ្វើសកម្មភាពឆក់ទូរស័ព្ទដៃបានសម្រេច ហើយត្រូវបានកម្លាំងអាវុធហត្ថ ខណ្ឌដូនពេញ ឃាត់ខ្លួនបានទាំង២នាក់យកទៅសួរនាំ ។
ហេតុការណ៍នេះ បានកើតឡើងកាលពីវេលាម៉ោង៧ និង៣៥នាទីយប់ ថ្ងៃទី១៥ ខែមករា ឆ្នាំ២០២០ តាមបណ្តោយផ្លូវលេខ២១៤ នៅចំណុចក្បែរនឹងរបងសាលាចតុមុខ សង្កាត់ជ័យជំនៈ ខណ្ឌដូនពេញ រាជធានីភ្នំពេញ ។
តាមប្រភពព័ត៌មានពីជនរងគ្រោះឈ្មោះលី លី ភេទស្រី អាយុ២៨ឆ្នាំមុខរបរនៅផ្ទះ ស្នាក់នៅម្តុំផ្សារកណ្តាលស្ថិតនៅក្នុងសង្កាត់ផ្សារកណ្តាល១ ខណ្ឌដូនពេញបានឲ្យដឹងថាមុនពេលកើតហេតុជនរងគ្រោះបានជិះម៉ូតូកង់បីឥណ្ឌាជាមួយនឹងម្តាយ និងកូនតូចម្នាក់ពីម្តុំក្រោយវាំងទៅផ្សារកណ្តាលខណពេលមកដល់ចំណុចផ្លូវលេខ១៩សង្កាត់ជ័យជំនះ ក៏ស្រាប់តែលេចមុខជនសង្ស័យចំនួន២នាក់ម្នាក់ឈ្មោះសុខច័ន្ធធា ភេទប្រុស អាយុ១១ឆ្នាំ មុខរបរជាសិស្សនៅវិទ្យល័យឫស្សីកែវស្នាក់នៅសង្កាត់ឫស្សីកែវ ខណ្ឌឫស្សីកែវ និងម្នាក់ទៀតមិនស្គាល់អត្តសញ្ញាណបើកម៉ូតូមួយគ្រឿងម៉ាកស៊ុយសុគីនិច ពណ៌សពាក់ស្លាកលេខភ្នំពេញ 1IA-5901 បើកបរតាមបណ្តោយផ្លូវលេខ១៩ ស្របទិសដៅគ្នាជាមួយជនរងគ្រោះ ពេលដែលជនរងគ្រោះកំពុងតែលេងទូរស័ព្ទដៃម៉ាក huaweiលើម៉ូតូកង់បី ក៏ស្រាប់តែមានជនសង្ស័យឆ្លៀតឱកាសធ្វើសកម្មភាពឆក់បានសម្រេចហើយបើករត់គេចខ្លួនបាត់ស្រមោលទៅផ្លូវ២១៤ កែងផ្លូវព្រះនរោត្តម ក៏ត្រូវបានបងប្អូនប្រជាពលរដ្ឋរួមជាមួយកម្លាំងអាវុធហត្ថ ខណ្ឌដូនពេញក្របួចបានភ្លាមៗ ទាំង២នាក់យកទៅសួរនាំនៅមូលដ្ឋានកងរាជអាវុធហត្ថ ខណ្ឌដូនពេញសំណាងល្អហើយដែលសមត្ថកិច្ចទៅទាន់ត្រូវបងប្អូនប្រជាពលរដ្ឋស្វាគមន៍យ៉ាងចាស់ដៃតែម្តង ។
ក្រោយពេលកើតហេតុ ជនរងគ្រោះបានទៅដាក់ពាក្យបណ្តឹងនៅមូលដ្ឋានកងរាជអាវុធហត្ថ ខណ្ឌដូនពេញដើម្បីឲ្យសមត្ថកិច្ចចាត់ការទៅតាមនីតិវិធី ៕ ធឿនព្រែកជ័យ
