ព័ត៌មានទាន់ហេតុការណ៍៖

នគរបាលខណ្ឌបឹងកេងកងឃាត់ខ្លួន​ សិស្ស​ទំនើង​វាយយុវសិស្សដូចគ្នា​បណ្ដាយឲ្យស្លាប់

ចែករំលែក៖

ភ្នំពេញ៖ កម្លាំងអធិការដ្ឋាននគរបាលខណ្ឌបឹងកេងកងបានឃាត់ខ្លួនយុវសិស្សមា្នក់ ដែលបាន​វាយទៅលើយុវសិស្សដូចគ្នា​បណ្ដាយឲ្យស្លាប់ ។ ហេតុការណ៍នេះ កើតឡើងនៅវេលាម៉ោង​ ១៦និង៤០នាទី​ ​ ថ្ងៃទី១៨​ ខែមករា​ ឆ្នាំ២០២០ នៅចំណុចផ្លូវ១៨៧ជាប់របងសាលាមួយកន្លែងស្ថិតនៅក្នុង សង្កាត់ទំនប់ទឹក ។ ​ សមត្ថកិច្ចបញ្ជាក់ថា នេះជាករណីហិង្សាមានស្ថានទំងន់ (សិស្សនឹងសិស្សវៃគ្នាបណ្តាលឲ្យជនរងគ្រោះស្លាប់) កើតហេតុនៅផ្លូវ៤០២​ ក្រុម​១១​ ភូមិ២​ សង្កាត់ទំនប់ទឹក​ខណ្ឌបឹងកេងកង រាជធានីភ្នំពេញ ។

ជនសង្ស័យឈ្មោះនី លីស៊ាង ប្រុសខ្មែ​រ​ មុខរបរសិស្សសាលាស្នាក់នៅផ្ទះលេខ៣Aផ្លូវ១២BTសង្កាត់បឹងទំពន់ទី១ ខណ្ឌមានជ័យ រាជធានីភ្នំពេញ ។ ជនរងគ្រោះ ឈ្មោះ​ សំ សន្ធិវង្ស ភេទប្រុស អាយុ១៤ឆ្នាំ ខ្មែរ មុខរបរសិស្សថ្នាក់ទី៩ឃ ស្នាក់នៅផ្ទះលេខ៤៣០​ ផ្លវ២៤BT​ ភូមិត្នោតជ្រំ សង្កាត់បឹងទំពន់ ខណ្ឌមានជយ័ រាជធានីភ្នំពេញ ។ ​

បើតាមប្រភពព័ត៌មានពី សមត្ថកិច្ច បានឲ្យដឹងថា មុនកើតហេតុ ​ ជនរងគ្រោះរួមជាមួយមិត្តភក្តិបានជិះម៉ូតូចេញពីសាលាទៅជួបជាមួយជនសង្ស័យនៅផ្លូវ៤០២​ សង្កាត់ទំនប់ទឹក​ ខណ្ឌបឹងកេងកង​ ដោយបានណាត់គ្នាវ៉ៃគ្នា ជាមួយជនសង្ស័យ​ (មានទំនាស់នឹងគ្នារឿងហៅ អា​) បន្ទាប់ពីជួបគ្នាជាជនសង្ស័យក៏បានវាយគ្នាតែម្ដង​ ខណ:នោះជនរងគ្រោះក៏បា​ន​ដួល ជនសង្ស័យឃើញដូចនេះ ក៏បានជិះម៉ូតូម៉ាកToday គេចខ្លួនតែម្ដង​ បន្ទាប់មកជនរងគ្រោះត្រូវបានមិត្តភក្តិជូនទៅមន្ទីរពេទ្យមិត្តភាព​ ខ្មែរ-សូវៀត​ ប៉ុន្ដែត្រូវបានគ្រូពេទ្យប្រាប់ថា បានស្លាប់បាត់ហើយ ។

បច្ចុប្បន្ន យុវសិស្សដែលជាជនសង្ស័យត្រូវឃាត់ខ្លួននៅអធិការដ្ឋាននគរបាលខណ្ឌបឹងកេងកង ​ដើម្បីរៀបចំសំណុំរឿងបញ្ជូនទៅកាន់តុលាការកាត់ទោសទៅតាមផ្លូវច្បាប់ ៕ សរស្មី


ចែករំលែក៖