សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ អាជ្ញាធរខណ្ឌពោធិ៍សែនជ័យ និងសង្កាត់ចោមចៅទី៣ដឹកនាំដោយលោកអភិបាលរងខណ្ឌប៉ាង លីដា បានចុះទៅរុះរើតូបលក់ដូរដែលសង់រំលោភលើចិញ្ចើមផ្លូវជាតិលេខ៤បង្កភាពអនាធិបតេយ្យ និងបាត់បង់សោភ័ណភាពតាមដងផ្លូវព្រមទាំងប៉ះពាល់ដល់សណ្ដាបធ្នាប់ចរាចររាល់ថ្ងៃ។
ប្រតិបត្តិការនេះ បានធ្វើឡើងកាលពីវេលាព្រឹកថ្ងៃទី៣ ខែកុម្ភៈ ឆ្នាំ២០២០ ដោយអាជ្ញាធរធ្វើការរុះរើរៀបចំសណ្ដាប់ធ្នាប់ចាប់ពីចំណុចភូមិព្រៃស្វាយរហូតដល់ភូមិអូរដឹម សង្កាត់ចោមចៅទី៣ ខណ្ឌពោធិ៍សែនជ័យ រាជធានីភ្នំពេញ។
អាជ្ញាធរបាននិយាយថា សំណង់តូបលក់ដូរដែលត្រូវធ្វើការរុះរើចេញនាពេលនោះពុំមែនជាសំណង់រឹងមាំនោះទេ តែជាសំណង់តូបឈើ និងឫស្សីមិនរឹងមាំដែលបងប្អូនប្រជាពលរដ្ឋនាំគ្នាសង់រំលោភលើចិញ្ចើមផ្លូវ និងប្រឡាយដើម្បីលក់ដូរ ។ ប៉ុន្តែអាជ្ញារធរមិនទុកឲ្យស្ថិតនៅបែបនេះបានទ ព្រោះវាបង្កផលប៉ះពាល់ជាច្រើន ក្នុងនោះប៉ះពាល់ដល់សណ្ដាប់ធ្នាប់សាធារណៈ ប៉ះពាល់សណ្ដាប់ធ្នាប់ចរាចរ និងបង្កភាពអាប់អួរដល់សោភ័ណភាពផ្លូវ្នល់តែម្ដង ។
ប្រភពដែលបានបន្តថា ចិញ្ចើមផ្លូវមានសារសំខាន់ខ្លាំងណាស់ សម្រាប់អ្នកដំណើរថ្មើរជើងទាំងឡាយ ដូច្នេះហើយក្រៅពីកែលម្អសោភ័ណភាពដងផ្លូវនោះ ការរុះរើសំណង់ខាងលើនាពេលនេះក៏ដើម្បីរំដោះយកចិញ្ចើមផ្លូវពីការរំលោភបំពាននេះផងដែរ ។ មិនតែប៉ុណ្ណោះនៅក្នុងពេលនោះអាជ្ញាធរ បានដាក់គ្រឿងចក្ររុះរើហើយបន្ទាប់មកបានកាយស្ដារប្រឡាយដែលត្រូវកកស្ទះដោយសម្រាមនៅទីតាំងខាងលើនេះទៀតផង ៕ សុខាសែនជ័យ
