សារព័ត៌មាន នគរវត្ត តែងតែនាំមុខគេជានិច្ច
ខេត្តកំពង់ធំ ៖ បុរសមានជំងឺសរសៃប្រសាទម្នាក់ ផឹកស្រាស្រវឹងជាប្រចាំ យកក្រមាចង.ក ធ្វើអត្តឃាត នៅនឹងផ្ទះ បង្កឲ្យមានការភ្ញាក់ផ្អើលកាលពីវេលាម៉ោង១០ និង២០នាទី ថ្ងៃអង្គារ ទី១១ ខែកុម្ភៈ ឆ្នាំ២០២០ នៅចំណុចភូមិដូនឈូក ឃុំនីពេជ ស្រុកកំពង់ស្វាយ ខេត្តកំពង់ធំ ។ សពឈ្មោះ ធុច ធី ភេទប្រុស អាយុ ៤២ ឆ្នាំ រស់នៅភូមិដូនឈូក ឃុំនីពេជ ស្រុកកំពង់ស្វាយ ខេត្តកំពង់ធំ ។
តាមការបំភ្លឺពីឪពុកក្មេក ឈ្មោះ គាត សេង អាយុ ៨១ ឆ្នាំ មានទីលំនៅ ភូមិ / ឃុំ ផ្ទះជាមួយជនរងគ្រោះ បាននិយាយថា ៖ នៅវេលាម៉ោងប្រហែល០៦ និង៣០នាទីថ្ងៃទី១១ ខែកុម្ភៈ ឆ្នាំ២០២០ ជនរងគ្រោះហូបបាយជាមួយកូននៅនឹងរោងក្រោយផ្ទះ លុះហូបរួច កូនក៏ទៅរៀនបាត់ទៅ គាត់ក៏ដើរទៅលេងផ្ទះកូនក្មួយដែរ រហូតដល់ម៉ោង ១០ និង ០០ នាទី គាត់ត្រឡប់មកផ្ទះវិញ ក៏ឡើងទៅលើផ្ទះ ស្រាប់តែប្រទះឃើញជនរងគ្រោះចងកនឹងក្រមាភ្ជាប់ទៅនឹងឃ្នាបផ្ទះស្លាប់បាត់ទៅហើយ ។
ក្រោយពីទទួលបានដំណឹងភ្លាមកម្លាំងសមត្ថកិច្ចប៉ុស្តិ៍ រដ្ឋអំណាចមូលដ្ឋានបានចុះពិនិត្យសព មានតែស្លាកស្នាមជុំវិញកតែប៉ុណ្ណោះ ក្រៅពីនោះ ពុំមានឃើញស្លាកស្នាមអ្វីដែលពាក់ព័ន្ធនឹងករណីឃាតកម្មឡើយ ។
តាមការសន្និដ្ឋានរបស់សមត្ថកិច្ចជនរងគ្រោះ ស្លាប់ដោយសារចង.ក ធ្វើអត្តឃាត មូលហេតុ ជនរងគ្រោះផឹកស្រាជាប្រចាំ ហើយមានជំងឺសរសៃប្រសាទប្រចាំកាយផង ។ បន្ទាប់ពីពិនិត្យចប់សព្វគ្រប់ហើយ សមត្ថកិច្ចបានធ្វើកំណត់ហេតុប្រគល់សាកសពឲ្យក្រុមគ្រួសាររៀបចំធ្វើបុណ្យតាមប្រពៃណី ៕ ប៊ុនរិទ្ធី
