រថយន្តពីរគឿងបុកគ្នារងការខូចខាត

ខេត្តប៉ៃលិនៈ នៅវេលាម៉ោង ១៦:៣០ នាទី ថ្ងៃពុធ ១១ រោច ខែមាឃ ឆ្នាំកុរ ឯកស័ក ព.ស២៥៦៣ ត្រូវនឹងថ្ងៃទី១៩ ខែកុម្ភៈ ឆ្នាំ២០២០ មានករណីគ្រោះថ្នាក់ចរាចរណ៍មួយករណីនៅចំណុចកូនដំរីលើផ្លូវលំក្រាលគ្រួសក្រហម ស្ថិត​នៅក្នុង​ភូមិ​ កូនដំរី ឃុំ​ស្ទឹងត្រង់ ស្រុកសាលាក្រៅ​ ខេត្តប៉ៃលិន កើតឡើងរវាងរថយន្តធុនស្រាល នឹងរថយន្តធុនធ្ងន់ ។

ករណីនេះ បណ្តាលអោយខូចខាតរថយន្តចំនួន២គ្រឿងកម្រិតធ្ងន់ មិនបណ្តាលរងរបួសដល់អ្នកបើកបរទេ។ភាគីទី១ឈ្មោះ សន សុគា ភេទស្រី អាយុ៣៥ឆ្នាំមានទីលំនៅនៅភូមិ​ សាំរាំង ឃុំ​ បវេល ស្រុក បវេល ខេត្ត​បាត់ដំបង។ បើកបររថយន្តម៉ាក camryពណ៌សំបកឪឡឹក ពាក់ស្លាកលេខ ភ្នំពេញ 2H4607។ ខូចខាតកម្រិតធ្ងន់បើកបរពីជើងទៅត្បួង (គ្មានរបួស)។ ភាគីទី២ ឈ្មោះ ខាន់ សុខឿន ភេទប្រុស អាយុ ៣៦ឆ្នាំមានទីលំនៅបច្ចុប្បន្ននៅភូមិ​ ផ្តាច់ព្រត្រ័ ឃុំ​ បវេលស្រុក បវេល ខេត្ត​បាត់ដំបង។ បើកបរឡានម៉ាក ហ៊ីយ៉ាន់ដាយ ពណ៌ ស ពាក់ស្លាកលេខ បាត់ដំបង 3A 3280 ។ ខូចខាតកម្រិតធ្ងន់ បើកបរ ពីត្បួងទៅជើង (គ្មានរបួស)។ មូលហេតុ: កត្តា មនុស្ស បើកបរក្នុងល្បឿនលឿននិងខ្វះការប្រុងប្រយ័ត្ន។

បច្ចុប្បន្នវត្ថុតាងត្រូវបានយកទៅរក្សារទុកនៅប៉ុស្តិ៍នគរបាលរដ្ឋបាលស្ទឹងត្រង់ ដើម្បីរង់ចាំការដោះស្រាយ៕ ស សារ៉េត