សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ បងប្អូនប្រជាពលរដ្ឋភាគច្រេីនដែលធ្វេីដំណេីរក្នុងភូមិសាស្ត្រខណ្ឌមានជ័យ ជាពិសេសតាមបណ្ដោយផ្លូវជាតិលេខ២ , ផ្លូវ៦០ម៉ែត្រ ,ផ្លូវ៣៧១ គឺឃេីញមានរថយន្តអាបែនដឹកដីធុនធំជាច្រេីនគ្រឿងបានបេីកប្រជែងគ្នា ធ្វេីឲ្យដីធ្លាក់មកលេីផ្លូវ ឬធូលីហុយជាខ្លាំងពិបាកក្នុងការធ្វេីដំណេីរ ក៏ដូចជាពលរដ្ឋរស់នៅអមសងខាងផ្លូវមែនទែន ។ ដូច្នេះពលរដ្ឋស្នេីសុំឲ្យភាគីម្ចាស់ដេប៉ូដឹកទំនិញធុនធំ ឬខ្សាច់ ក៏ដូចជាអាជ្ញាធរមូលដ្ឋានមេត្តាជួយសម្អាតផ្លូវទាំងនេះផង ដេីម្បីសុខុមាភាពរបស់ប្រជាពលរដ្ឋយេីងល្អទាំងអស់គ្នា ។
គួរបញ្ចាក់ថា នៅវេលាម៉ោង៧ និង៣០នាទីយប់ ថ្ងៃទី១៧ ខែសីហា ឆ្នាំ២០២១ មានរថយន្ត Toyota Corolla ពណ៌ទឹកប្រាក់ ពាក់ស្លាកលេខភ្នំពេញ 2R-5157 បានបេីកប៉ះជាមួយរថយន្តអាបែនដឹកដីធុនធំ ពណ៌សលាយខៀវ ពាក់ស្លាកលេខភ្នំពេញ 3C-2806 តាមបណ្ដោយផ្លូវ៣០ម៉ែត្រ ក្បែរផ្លូវ៦០ម៉ែត្រ ក្នុងសង្កាត់ចាក់អង្រែក្រោម ខណ្ឌមានជ័យ បណ្ដាលឲ្យរថយន្តCorolla កូតទ្វារខាងឆ្វេងរងការខូចខាត ឯរថយន្តអាបែនដឹកដីមិនមានការខូចខាតនោះទេ ហេីយក៏មិនធ្វេីឲ្យប្រជាពលរដ្ឋណាម្នាក់រងរបួសនោះដែរ ។
ក្រោយកេីតហេតុ ក៏មានសមត្ថកិច្ចមូលដ្ឋាន និងមន្ត្រីជំនាញចរាចរណ៍ខណ្ឌមានជ័យបានចុះមកដល់កន្លែងកេីតហេតុ រួចជួយសម្របសម្រួលភាគីទាំងពីរកុំឲ្យមានរឿងវែងឆ្ងាយ ដោយភាគីរថយន្តអាបែនដឹកដីព្រមសងថ្លៃខូចខាតចំនួន១០០ដុល្លារឲ្យទៅភាគីរថយន្តCorollaដេីម្បីបញ្ចប់រឿងនៅនឹងកន្លែងតែម្ដង ៕
ដោយ ៖ ភារ៉ា ដង្កោ
