សារព័ត៌មាន នគរវត្ត តែងតែនាំមុខគេជានិច្ច
លីគបាល់ទាត់ស្ត្រីអាជីពរបស់អូស្រ្តាលីនឹងមានក្រុមថ្មីចំនួន៣បន្ថែមទៀតនៅពេលដែលប្រទេសនេះធ្វើជាម្ចាស់ផ្ទះរៀបចំការប្រកួតបាល់ទាត់ពិភពលោកផ្នែកនារីឆ្នាំ២០២៣ជាមួយម្ចាស់ផ្ទះនូវែលហ្សេឡង់។
ក្លិប Central Coast Mariners ក្លិប Western United និងក្លិបWellington Phoenix ដែលមានមូលដ្ឋាននៅប្រទេសនូវែលហ្សេឡង់ក្លិបទាំងអស់នៅក្នុងក្របខ័ណ្ឌ A-League របស់អូស្រ្តាលីបានប្តេជ្ញាថា នឹងបង្កើតក្រុម W-League ក្នុងរយៈពេល២រដូវកាលខាងមុខនេះ។
លោក Danny Townsend ប្រធាន APL បានមានប្រសាសន៍ថា “នេះគ្រាន់តែជាការចាប់ផ្តើមនៃកម្មវិធីវិនិយោគប្រកបដោយនិរន្តរភាពនៅក្នុងកីឡាបាល់ទាត់ស្ត្រី។ យើងចង់បញ្ចេញសក្តានុពលបាល់ទាត់នៅអូស្ត្រាលី ហើយនេះគឺជាជំហានឆ្ពោះទៅមុខដ៏សំខាន់ក្នុងការផ្តល់អនាគតដែលការប្រកួតសមនឹងទទួលបាន” ។
ការបន្ថែមក្រុមនេះនឹងក្លាយជាការពង្រីក W-League ជាលើកដំបូងចាប់តាំងពីទីក្រុងមែលប៊នបានចូលរួមជាក្រុមទី៩របស់ខ្លួនក្នុងឆ្នាំ២០១៥។Central Coast ដែលមានក្រុម W-League មានអាយុកាលខ្លីមុនពេលត្រូវបានរំលាយនៅឆ្នាំ ២០០៩ បាននិយាយថា ពួកគេមានបំណងចូលរួមលីកឡើងវិញសម្រាប់រដូវកាល ២០២២-២០២៣ ។
លោក Shaun Mielekamp គ្រូបង្វឹកក្រុម Central Coast បាននិយាយថា“យើងជឿជាក់ថា ក្រុម W-League របស់យើងនឹងត្រូវការ និងប្រើប្រាស់ធនធានទាំងអស់ដែលបានផ្តល់ឱ្យពួកគេដោយស្មើភាពជាមួយក្រុម A-League របស់យើង និងស្តង់ដារដែលយើងគាំទ្រពួកគេ” ។
អូស្រ្តាលីបានបង្កើនការវិនិយោគលើកីឡាបាល់ទាត់ស្ត្រីក្នុងរយៈពេលប៉ុន្មានឆ្នាំចុងក្រោយនេះ ហើយប្រាក់ខែគោលសម្រាប់កីឡាការិនីគឺជាចំណែកមួយនៃការពេញចិត្តរបស់កីឡាករផ្នែកបុរសរបស់ពួកគេនៅក្នុងក្របខ័ណ្ឌ A-League។
W-League ក៏ប្រឈមនឹងការប្រកួតប្រជែងក្នុងការរក្សាទេពកោសល្យកីឡាករផងដែរដោយសារកីឡាករឆ្នើមៗត្រូវបានទាក់ទាញកាន់តែច្រើននៅឯប្រទេសផ្សេងៗ ដើម្បីទទួលបានកិច្ចសន្យារកប្រាក់ចំណេញក្នុងលីគអង់គ្លេស និងបារាំង ៕
ដោយ៖ ភារៈ(រូបភាព៖ AFP)
