សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ រថយន្តម៉ាកហ៊ីយ៉ាន់ដាយមួយគ្រឿងបេីកបត់ស្រាប់តែប៉ះនិងគាបរថយន្តឡិចស៊ីសមួយគ្រឿងទៀតដែលបេីកស្របទិសគ្នាបណ្តាលឱ្យរងការខូចខាតបន្តិចបន្តួចនិងជជែកយកត្រូវរៀងខ្លួន។
ហេតុការណ៍នេះបានកេីតឡេីងកាលពីវេលាម៉ោង១២និង៣០នាទីរសៀលថ្ងៃទី១១ ខែកញ្ញា ឆ្នាំ២០២១ នៅចំណុចច្រកចូលសាលារៀនសុវណ្ណភូមិ តាមបណ្តោយផ្លូវជាតិលេខ៤ ភូមិថ្នល់បំបែក ក្នុងសង្កាត់ចោមចៅទី៣ ខណ្ឌពោធិ៍សែនជ័យ ។
តាមប្រភពព័ត៌មានពីកន្លែងកេីតហេតុបានឱ្យដឹងថា មុនពេលកេីតហេតុគេបានឃេីញរថយន្តម៉ាកហ៊ីយ៉ាន់ដាយ ពណ៌ស ពាក់ស្លាកលេខភ្នំពេញ3D.2402 បេីកបរតាមបណ្តោយផ្លូវជាតិលេខ៤ក្នុងទិសដៅពីលិចទៅកេីតខណៈមកដល់ចំណុចកេីតហេតុក៏ស៊ីញូបត់ស្តាំបំណងឆ្ពោះទៅផ្លូវជាតិលេខ៣ភ្លាមនោះស្រាប់តែមានរថយន្តឡិចស៊ីសRX300ពណ៌ស ពាក់ស្លាកលេខភ្នំពេញ2AV.4606 ធ្វេីដំណេីរមកស្របគ្នាខាងស្តាំក៏ប៉ះនិងគាបជាប់រងការខូចខាតបន្តិចបន្តួចតែមិនមានមនុស្សរងរបួសនោះទេ។
ក្រោយកេីតហេតុភាគីទាំងសងខាងបានជជែកយកត្រូវរៀងខ្លួនយ៉ាងតឹងសរសៃកដាក់គ្នានិងបង្កការកកស្ទះចរាចរណ៍ផងដែរ ។ បន្ទាប់មកសមត្ថកិច្ចបានចុះទៅដល់ចំណុចកេីតហេតុនិងសម្របសម្រួល ទេីបភាគីខាងរថយន្តហ៊ីយ៉ាន់ដាយចេញថ្លៃជួសជុលចំនួន៧៥០.០០០រៀលដេីម្បីបញ្ចប់រឿងនៅកន្លែងកេីតហេតុ៕
ដោយ៖សុខាសែនជ័យ
