សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ កាកបាទក្រហមកម្ពុជា ដែលមានសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ជាប្រធាន នៅថ្ងៃទី២៣ ខែកញ្ញា ឆ្នាំ២០២១នេះ បានផ្តល់អំណោយជាលើកទី២ ជូនអង្គការផ្ទះបាយកុមារ ដែលស្ថិតនៅសង្កាត់បឹងកេងកង៣ ខណ្ឌបឹងកេងកង រាជធានីភ្នំពេញ ដែលពិធីនេះប្រព្រឹត្តទៅនៅទីស្នាក់ការកណ្តាលកាកបាទក្រហមកម្ពុជា។ នេះបេីយោងតាមប្រភពព័ត៍មានពីកាកបាទក្រហមកម្ពុជា។
ក្នុងឱកាសនោះ លោកស្រី ម៉ែន នារីសោភ័គ អគ្គលេខាធិការរទី១ កាកបាទក្រហមកម្ពុជា បានពាំនាំប្រសាសន៍របស់ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ដែលផ្តាំផ្ញើសួរសុខទុក្ខ និងថ្លែងអំណរគុណយ៉ាងជ្រាលជ្រៅចំពោះ ថ្នាក់ដឹកនាំ-បុគ្គលិកនៃអង្គការផ្ទះបាយកុមារ ដែលបានជួយដល់កុមារទុរគត កុមារកំព្រាគ្មានទីពឹង ឱ្យមានអាហារបរិភោគ និងទទួលបានការសិក្សារៀនសូត្រ បណ្តុះបណ្តាលយុវជនឱ្យមានចំណេះដឹង ហើយធ្វើការចែករំលែកក្តីស្រឡាញ់ដល់កុមារៗជំនាន់ក្រោយៗទៀត។
ជាមួយគ្នានេះ លោក ង៉ូវ ឈីវ ប្រធានអង្គការផ្ទះបាយកុមារ បានថ្លែងអំណរគុណចំពោះកាកបាទក្រហមកម្ពុជា ជាពិសេសសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ដែលបានផ្តល់ការឧបត្ថម្ភជាបន្តបន្ទាប់ និងបានផ្តល់អំណោយជូននាពេលនេះរួមមាន ៖ ខ្ញីទឹកឃ្មុំឌូឌឺវី ៥កេស, ច្រាស់ដុសធ្មេញ ២កេស, កន្ត្រៃកាត់ក្រចក ៤កំប៉ុង, ដំបៀត ៤កេស, ជែល (ដប) ១០កេស, និង ជែល (ថង់) ៥កេស៕
ដោយ៖សហការី
