សារព័ត៌មាន នគរវត្ត តែងតែនាំមុខគេជានិច្ច
ខេត្តស្វាយរៀង៖ នាព្រឹកថ្ងៃអាទិត្យ ១២រោច ខែភទ្របទ ឆ្នាំឆ្លូវ ត្រីស័ក ព.ស.២៥៦៥ ត្រូវនឹងថ្ងៃទី៣ ខែតុលា ឆ្នាំ២០២១ លោក ឌី វិជ្ជា ប្រធាន សសយក ខេត្តស្វាយរៀង ឯកឧត្ដម តូច ប៉ូលីវ៉ា អនុប្រធាន សសយក ខេត្តបានអញ្ជើញជាអធិបតីបើកវគ្គបណ្ដុះបណ្ដាលអ្នកសង្កេតការណ៍ជាតិ សសយក ខេត្តស្វាយរៀង សម្រាប់ការពិនិត្យបញ្ជីឈ្មោះ និងការចុះឈ្មោះបោះឆ្នោតឆ្នាំ២០២១ ដោយមានគ្រូឧទ្ទេសនាម លោក ឌឹម សុវណ្ណារុំ សមាជិក និងជាប្រធានក្រុមប្រតិកម្មរហ័ស គ.ជ.ប លោក កេង សុម៉ារិទ្ធ តំណាងលោក កើត រិទ្ធ សមាជិកគណៈអចិន្រ្តៃយ៍ សសយក និងជាប្រធានក្រុមការងារពិនិត្យតាមដានយុទ្ធនាការពលរដ្ឋល្អ លោក កែ រឹទ្ធិ អគ្គនាយករង នៃអគ្គនាយកដ្ឋានសេវាកម្មច្បាប់ និងវិវាទកម្ម លោក តូច ប៉ូលីវ៉ា និង លោក សាខុន បូរិន ។
សួនបញ្ជាក់ថា, វគ្គបណ្ដុះបណ្ដាលស្វែងយល់ទៅលើ
-រចនាសម្ព័ន្ធរបស់ គ.ជ.ប ក្នុងក្របខណ្ឌការបោះឆ្នោតគឺជាស្នូលនៃលទ្ធិប្រជាធិតេយ្យ
-តួនាទី និងភារកិច្ចរបស់អ្នកសង្កេតការណ៍ជាតិ
-ក្រមសីលធម៌អ្នកសង្កេតការណ៍ជាតិ
-នីតិវិធីនៃការចុះឈ្មោះបោះឆ្នោត ការប្ដឹង និងការដោះស្រាយពាក្យបណ្ដឹង និងតារាងត្រួតពិនិត្យ
-បេសកម្មរបស់ សសយក ក្នុងការងារសង្កេតការណ៍ដំណើរការចុះឈ្មោះនិងពិនិត្យបញ្ជីឈ្មោះបោះឆ្នោត និងការបោះឆ្នោត
-របៀបធ្វើរបាយការណ៍ និងទិដ្ឋាការធ្វើដំណើរ
ក្នុងវគ្គបណ្ដុះបណ្ដាលនេះមានចូលរួមពី ប្រធានលេខាធិការដ្ឋានរៀបចំការបោះឆ្នោតខេត្ត លោក លោកស្រីសមាជិកអចិន្រ្តៃយ៍ សសយក ខេត្ត ក្រុមការងារ សសយក ចុះជួយក្រុង ស្រុកទាំង ៨ គណៈកម្មាធិការ សសយក និងជនបង្គោលសង្កេតការណ៍ ទាំង ៨ក្រុងស្រុក សរុបចំនួន ២៧០នាក់ តាមប្រព័ន្ធ online zoom៕
ដោយ ៖ សិលា
