សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ បុរសម្នាក់ជាអ្នករត់តាក់ស៊ី បានស្លាប់ភ្លាមៗនៅកន្លែងកើតហេតុ បន្ទាប់ពីរូបគាត់បានឈប់រថយន្តនៅលើចិញ្ចើមផ្លូវហៅម៉ូយមិនប្រយ័ត្ន ក៏ត្រូវរថយន្តមួយគ្រឿងទៀតម៉ាកហាយឡែនឌ័របុកពីក្រោយយ៉ាងពេញទំហឹង កាលពីវេលាម៉ោង២និង៣០នាទីរសៀលថ្ងៃសុក្រ ១៤កើត ខែចេត្រ ឆ្នាំរកា នព្វស័ក ព.ស២៥៦១ ត្រូវនឹងថ្ងៃទី៣០ ខែមីនា ឆ្នាំ២០១៨ នៅក្នុងភូមិខ្ទរ សង្កាត់ព្រែកលៀប ខណ្ឌជ្រោយចង្វា រាជធានីភ្នំពេញ ។
យោងតាមប្រភពព័ត៍មានពីសាក្សីនៅកន្លែងកើតហេតុ បានឲ្យដឹងថា ជនរងគ្រោះមិនទាន់ស្គាល់អត្តសញ្ញាណ ជិះរថយន្តមួយគ្រឿងម៉ាកសុំាយ៉ុង ពណ៌សំបកឪឡឹក ពាក់ស្លាកលេខភ្នំពេញ2AL-5946 បើកបរក្នុងទិសដៅពីត្បូងទៅជើង ពីភ្នំពេញ ទៅ ខេត្តកំពង់ចាម ពេលមកដល់ចំណុចកើតហេតុ ជនរងគ្រោះជាម្ចាស់រថយន្តសុំាយ៉ុង បានឃើញម៉ូយ ក៏បានចុះពីរថយន្ត ដើម្បីទៅយកអីវ៉ាន់ពីម៉ូយដោយខ្វះការប្រុងប្រយ័ត្ន ស្រាប់តែមានរថយន្តមួយគ្រឿងទៀតម៉ាកហាយឡែនឌឺ ពាក់ស្លាកលេខភ្នំពេញ 2AP-9457 បើកបរក្នុងទិសដៅស្របគ្នា បានមកបុកពីក្រោយពេញទំហឹង បណ្តាលឲ្យស្លាប់ភា្លមៗ នៅនិងកន្លែងតែម្តង ។
ក្រោយកើតហេតុកម្លាំងនគរបាលការិយាល័យចរាចរណ៍ផ្លូវគោកនៃស្នងការដ្ឋាននគរបាលរាជធានីភ្នំពេញ ចុះទៅធ្វើការវាស់វែងនិងនាំយករថយន្តទាំង២គ្រឿងទៅរក្សាទុករង់ចាំការដោះស្រាយគ្នានៅពេលក្រោយ ។ ចំណែកឯសាកសពសមត្ថកិច្ចកំពុងធ្វើការស្រាវជ្រាវរកក្រុមគ្រួសារ ដើម្បីមកទទួលយកទៅធ្វើបុណ្បតាមប្រពៃណី ៕ស តារា
